సీమరాజతో వస్తున్న శివ కార్తికేయ‌... సమంత-కీర్తి సురేష్‌లు హిట్టిస్తారా?

ల‌వ్ ఎంట‌ర్‌టైన‌ర్ రెమోలో అధ్భుతంగా నటించి తెలుగు ప్రేక్ష‌కులంద‌రి ప్ర‌శంశలు పొందిన శివ కార్తికేయ‌న్ హీరోగా, స‌మంత, కీర్తి సురేష్‌లు హీరోయిన్లుగా త‌మిళంలో ప్ర‌ముఖ నిర్మాత ఆర్.డి.రాజా 24 ఏమ్ స్టూడియెస్ బ్యాన‌ర్లో నిర్మించిన చిత్రం సీమ‌రాజ‌. ఈ చిత్రం త‌మిళంలో విడుద‌లై క‌మ‌ర్షియ‌ల్‌గా మంచి స‌క్స‌స్‌ని సాధించింది. 

ఈ చిత్రానికి పొన్ర‌మ్ ద‌ర్శ‌కుడు. ఈ చిత్రాన్ని గ‌తంలో చాలా చిత్రాలు డిస్ట్రిబ్యూష‌న్, నిర్మాణం చేసిన ప్ర‌ముఖ‌ నిర్మాత సాయికృష్ణ పెండ్యాల సాయికృష్ణా ఫిలింస్ ద్వారా తెలుగులో అనువాదం చేశారు. ల‌క్ష్మి పెండ్యాల స‌మ‌ర్పిస్తున్న ఈ సీమ‌రాజ ని ఫిబ్ర‌వ‌రి 8న తెలుగులో విడుద‌ల చేస్తున్నారు. డి.ఇమ్మాన్ సంగీతాన్ని అందించారు. 

ఈ సంద‌ర్బంగా నిర్మాత సాయికృష్ణా పెండ్యాల మాట్లాడుతూ.. రెమో చిత్రం ధియేట‌ర్స్‌లో యావ‌రేజ్‌గా ఆడింది కానీ.. టీవీలో మాత్రం బ్లాక్‌బ‌స్ట‌ర్‌గా నిలిచింది. ఎప్పుడూ ఆ చిత్రం వ‌చ్చినా కూడా ఫ్యామిలి అంతా క‌లిసి చూస్తూ ఎంజాయ్ చేస్తారు. ఆ చిత్రంతో శివ‌కార్తికేయ‌న్ తెలుగు ప్రేక్ష‌కుల‌కి చాలా దగ్గ‌ర‌య్యాడు. రెమో త‌రువాత తెలుగులో శివ‌కార్తికేయ‌న్ న‌టించిన సీమ‌రాజ ఫిబ్ర‌వ‌రి 8 న విడుద‌ల కానుంది. 

ఈ చిత్రాన్ని సాయికృష్ణా ఫిలింస్ బ్యాన‌ర్ ద్వారా తెలుగులో విడుద‌ల చేస్తున్నాం. రెండు ఊళ్ల మధ్య జ‌రిగే ప‌క్కా క‌మర్షియ‌ల్ చిత్రం ఈ సీమ‌రాజ‌. త‌మిళంలో బి, సి సెంట‌ర్స్‌లో క‌లెక్ష‌న్లు దుమ్మురేపింది. సీమ‌రాజగా శివ‌కార్తికేయ‌న్ న‌ట‌నకి మాస్ ఆడియ‌న్స్ విజిల్స్ ప‌డ‌టం ఖాయం. త‌మిళంలోలా తెలుగులో కూడా క‌మ‌ర్షియ‌ల్‌‌గా పెద్ద విజ‌యం సాధిస్తుంది. అతి త్వ‌ర‌లో మ్యూజిక్‌ని విడుద‌ల చేస్తాం. ల‌క్ష్మి పెండ్యాల స‌మ‌ర్పిస్తున్న ఈ చిత్రాన్ని త‌మిళంలో ఆర్‌. డి. రాజా నిర్మించారు. స‌మంత చాలా మంచి పాత్ర‌లో న‌టించిది. ఫిబ్ర‌వ‌రి 8న తెలుగు ప్రేక్ష‌కుల ముందుకు వ‌స్తుంది అని అన్నారు.