పండుగ సీజన్‌లో వేగవంతమైన డెలివరీల కోసం ADASతో కియా కొత్త సెల్టోస్ వేరియంట్‌లు
మాస్ ప్రీమియం కార్ల తయారీదారులలో ఒకటైన కియా ఇండియా GTX+ (S) మరియు X-Line (S) అంటూ రెండు కొత్త వేరియంట్‌లను ఆవిష్కరించింది. ఈ వేరియంట్‌లు ప్రీమియం HTX+ వేరియంట్, GTX+, X-లైన్ మోడల్‌ల మధ్య అంతరాన్ని పూరించాయి, వేచి ఉండే సమయాన్ని తగ్గించడం, కస్టమర్‌ల కోసం విలువ ప్రతిపాదనను మెరుగుపరచడం లక్ష్యంగా పెట్టుకున్న కియా మెరుగైన ఫీచర్స్‌ను సైతం జోడించింది.
ఈ సందర్భంగా కియా ఇండియా నేషనల్ హెడ్ సేల్స్ అండ్ మార్కెటింగ్ శ్రీ హర్దీప్ సింగ్ బ్రార్ మాట్లాడుతూ, “కొత్త సెల్టోస్ లైనప్‌లో సగటు వెయిటింగ్ పీరియడ్ దాదాపు 15-16 వారాలు. దీపావళికి ముందు డెలివరీలకు హామీ ఇచ్చే ఈ కొత్త వేరియంట్‌ల పరిచయంతో ఇది 7-9 వారాలకు తగ్గించబడుతుంది. లుక్స్, టెక్, ADAS అసిస్టెడ్ సేఫ్టీ సిస్టమ్స్‌లో రాజీ పడకూడకుండానే, త్వరగా డెలివరీ కావాలనుకునే టెక్-అవగాహన ఉన్న కస్టమర్‌ల కోసం ఈ వేరియంట్‌లు జాగ్రత్తగా రూపొందించబడ్డాయి" అని అన్నారు.
