బుధవారం, 28 ఫిబ్రవరి 2024
  1. వార్తలు
  2. ఐటీ
  3. ఐటీ వార్తలు
Written By సెల్వి
Last Updated : మంగళవారం, 27 ఏప్రియల్ 2021 (17:42 IST)

ఒప్పో A53s పేరుతో 5G స్మార్ట్​ఫోన్​... ఫీచర్స్ ఇవే...

Oppo A53s 5G
భారతదేశంలో అతి త్వరలోనే 5జీ టెక్నాలజీ అందుబాటులోకి రానున్న సంగతి తెలిసిందే. దీన్ని దృష్టిలో పెట్టుకొని దాదాపు అన్ని స్మార్ట్​ఫోన్​ బ్రాండ్లు వరుసగా 5జీ ఫోన్లను లాంఛ్​ చేస్తున్నాయి. తక్కువ ధరకే అత్యాధునిక టెక్నాలజీతో కూడిన స్మార్ట్​ఫోన్లను మార్కెట్​లోకి విడుదల చేస్తున్నాయి. 
 
తాజాగా, ప్రముఖ స్మార్ట్​ఫోన్​ బ్రాండ్​ ఒప్పో A53s పేరుతో 5G స్మార్ట్​ఫోన్​ను విడుదల చేసింది. ఈ స్మార్ట్​ఫోన్​ అమ్మకాలు ఈ రోజు మధ్యాహ్నం 12 గంటల నుంచి ఫ్లిప్​కార్ట్​లో ప్రారంభమయ్యాయి. కేవలం రూ.15,000లోపు 5జీ సపోర్ట్​తో పాటు అద్భుతమైన ఫీచర్లను అందించడం విశేషం.
 
ఒప్పో A53s 5G స్మార్ట్​ఫోన్​లో​ 6.52 అంగుళాల హెచ్​డీ ప్లస్​ డిస్​ప్లేను అందించింది. ఈ డిస్​ప్లే 60 హెర్ట్జ్​ రిఫ్రెష్​ రేట్​ కలిగి ఉంటుంది. మంచి 5జీ పర్ఫార్మెన్స్​ అందించగల, మీడియా టెక్ డైమెన్సిటీ 700 SoC ఆక్టాకోర్ ప్రాసెసర్​తో ఇది పనిచేస్తుంది. దీంట్లో 8GB ర్యామ్, 128GB ఆన్‌బోర్డ్ స్టోరేజ్​ను అందించింది. 
 
యాప్​లను స్పీడ్​గా రన్​ చేసేందుకుల 'ర్యామ్ ఎక్స్‌పాన్షన్'ను కూడా పొందుపర్చింది. అయితే, ఈ ఫీచర్ ఎలా పనిచేస్తుందనే విషయంపై ఇంకా స్పష్టతనివ్వలేదు. 
 
ఇక కెమెరా​ విషయానికి వస్తే.. దీని వెనుక 13 ఎంపి ట్రిపుల్ కెమెరా సెటప్​ను చేర్చింది. ఈ ట్రిపుల్ రియర్​ కెమెరాలో f/22 ఎపర్చర్​ కలిగిన ఒక 13 ఎంపి మెయిన్​ కెమెరా, 2 ఎంపి సెకండరీ కెమెరా, 2 ఎంపి మ్యాక్రో సెన్సార్​ కెమెరాలను చేర్చింది. దీనిలో వాటర్‌డ్రాప్ తరహా సెల్ఫీ కెమెరాను కూడా అందించింది.