పురుషుల్లో సంతానోత్పత్తి సామర్థ్యం తగ్గుతోంది
పురుషులు సంతానోత్పత్తి సామర్థ్యం తగ్గుతోందని శాస్త్రవేత్తలు హెచ్చరిస్తున్నారు. దీనికి కారణం ప్రతి ఒక్కరి జీవన విధానంలో వచ్చినమార్పులేనని చెబుతున్నారు. కాలుష్యం, కల్తీ ఆహార పదార్థాలతో అనారోగ్య సమస్యలకు దారితీయడం ఒక కారణమైతే.. మరొక కారణం.. ప్లాస్టిక్‌ వినియోగం.
ఈరోజుల్లో ప్లాస్టిక్‌ వినియోగం సర్వసాధారణం. అయితే ఈ ప్లాస్టిక్‌, కాస్మొటిక్స్‌, ఫుడ్‌ ప్యాకేజింగ్‌ వంటి ఉత్పత్తుల్లో లభించే థాలెట్స్‌ అనే సాధారణ కెమికల్స్‌.. ఆరోగ్యంపై తీవ్రమైన ప్రభావం చూపుతాయని పరిశోధకులు హెచ్చరిస్తున్నారు. దీని కారణంగా పురుషుల్లో సంతానోత్పత్తి సామర్థ్యం వేగంగా తగ్గిపోతోందని శాస్త్రవేత్తలు ఆందోళన వ్యక్తం చేస్తున్నారు.
రీప్రొడెక్టివ్‌ ఎపిడెమియాలజిస్ట్‌ సినాయి స్వాన్‌ ప్రకారం... ఈ కెమికల్స్‌ ఉన్న ఉత్పత్తులను ఎక్కువగా వాడటం వల్ల మానవాళి భవిష్యత్తు ప్రశ్నార్థకంగా మారబోతోందని, సంతానపరంగా తీవ్రమైన సమస్యలు ఎదుక్కోబోతున్నారంటూ హెచ్చరిస్తున్నారు.
గత కొన్ని దశాబ్దాలుగా మానవుల్లోని స్పెర్మ్‌ కౌంట్‌ వేగంగా పడిపోయిందని అధ్యయన పరిశోధక బందం కనుగొంది. థాలెట్స్‌ అనే రసాయనాలు పునరుత్పత్తి ఆరోగ్యానికి ఎలా హాని కలిగిస్తుందో ఆ పరిశోధక బందంలో స్వాన్‌ అనే శాస్త్రవేత్త వివరించారు.
పిల్లల జీవసంబంధ అభివద్ధిని ఎలా ప్రభావితం చేస్తాయనేది మరింత అధ్యయనం చేయాల్సిందిగా చెబుతున్నారు. చిన్నపిల్లల మధ్య జీవసంబంధమైన తేడాలను కూడా ప్రభావితం చేస్తుందని గుర్తించారు.
శారీరకంగానే కాదు.. మేధో వికాసం పరంగా అనేక అనారోగ్య సమస్యలకు దారితీస్తుందని అంటున్నారు. ఆడవారిలో కంటే మగవారిలోనే సంతానోత్పత్తి పరంగా సామర్థ్యాన్ని వేగంగా కోల్పోతున్నారని అంటున్నారు.
