లవ్యూ సానియా - పిల్లాడు ముద్దొస్తున్నాడు...
హైదరాబాద్ టెన్నిస్ స్టార్ సానియా మీర్జా ఇటీవల పండంటి బిడ్డకు జన్మనిచ్చింది. దీంతో ఆమె బాబు పుట్టిన ఆనందంలో ఉబ్బితబ్బిబ్బులైపోతోంది. అదేసమయంలో పలువురు పలువురు సెలబ్రెటీలు సానియాను పలకరిస్తున్నారు. ఈ వీకెండ్‌లో సానియాను బాలీవుడ్ కొరియోగ్రాఫర్ ఫరాఖాన్ పరామర్శించింది. సానియా కుమారుడు ఇజా మీర్జా మాలిక్‌ను చూసి మురిసిపోయిన ఫరా, ఈ సందర్భంగా ఆమె ఒక ఫోటోను కూడా షేర్ చేసింది. "మేము మంచి స్నేహితులం. లవ్యూ సానియా, పిల్లాడు ముద్దొస్తున్నాడు" అంటూ ఓ కామెంట్ పోస్ట్ చేసింది.
కాగా, ఇటీవల సానియా మీర్జా ప్రసవంపై ఆమె భర్త, పాకిస్థాన్ క్రికెటర్ షోయబ్ మాలిక్ ఓ ప్రకటన చేశాడు. 'ఈ శుభవార్త మీ అందరితో పంచుకోబోతున్నందుకు చాలా సంతోషంగా ఉంది. మాకు మగబిడ్డ పుట్టాడు. సానియా చాలా ఆరోగ్యంగా ఉంది. మీ అందరి ప్రేమ, ఆశీస్సులను ధన్యవాదాలు' అంటూ షోయబ్ తెలిపాడు. కాగా 2010లో షోయబ్, సానియాల వివాహం జరిగిన విషయం తెలిసిందే.
