ఆదివారం, 3 మార్చి 2024
  1. వినోదం
  2. తెలుగు సినిమా
  3. కథనాలు
Written By ఠాగూర్
Last Updated : సోమవారం, 10 అక్టోబరు 2022 (08:39 IST)

బెంగుళూరు ఫిల్మ్ ఫేర్ అవార్డుల్లో పుష్ప హవా...

film fare award
బెంగుళూరు వేదికగా జరిగిన ఫిల్మ్ ఫేర్ అవార్డుల్లో పుష్ప చిత్రం తన సత్తా చాటింది. దక్షిణ భారత చలన చిత్రరంగంలో ప్రతిష్టాత్మకంగా భావించే ఈ అవార్డుల ప్రదానోత్సవ కార్యక్రమం ఆదివారం అట్టహాసంగా జరిగింది. 
 
కరోనా పరిస్థితులతో  గడిచిన కొన్నేళ్లు నిరాడంబరంగా జరిగిన ఈ వేడుక..  ఈ ఏడాది స్టార్‌ నటీనటుల సమక్షంలో ఘనంగా జరిగింది. టాలీవుడ్‌ ప్రముఖ నిర్మాత అల్లు అరవింద్‌, దివంగత కన్నడ నటుడు పునీత్‌ రాజ్‌ కుమార్‌కు ఈ ఏడాది ఫిలింఫేర్‌ జీవిత సాఫల్య పురస్కారం వరించింది.
 
ఈసారి ఫిలింఫేర్‌లో అల్లు అర్జున్‌ కథానాయకుడిగా నటించిన టాలీవుడ్‌ చిత్రం 'పుష్ప' హవా నడిచింది. మొత్తం ఏడు విభాగాల్లో ఆ చిత్రం సత్తా చాటింది. తమిళంలో సూర్య కథానాయకుడిగా నటించిన 'సూరారై పోట్రు'.. ఏడు అవార్డులను దక్కించుకుంది.
 
తెలుగు చిత్రాలకు దక్కిన ఫిల్మ్ ఫేర్ అవార్డులు ఇవే... 
ఉత్తమ చిత్రం: పుష్ప - ది రైజ్
ఉత్తమ దర్శకుడు: సుకుమార్‌ (పుష్ప - ది రైజ్)
ఉత్తమ నటుడు: అల్లు అర్జున్‌ (పుష్ప - ది రైజ్‌)
ఉత్తమ నటి: సాయిపల్లవి (లవ్‌స్టోరీ)
ఉత్తమ సహాయనటుడు: మురళీ శర్మ (అల వైకుంఠపురములో)
ఉత్తమ సహాయనటి:  టబు (అల వైకుంఠపురములో)
ఉత్తమ సంగీత దర్శకుడు: దేవిశ్రీ ప్రసాద్‌ (పుష్ప - ది రైజ్)
ఉత్తమ గేయ రచయిత: సిరివెన్నెల సీతారామశాస్త్రి (జాను) (లైఫ్‌ ఆఫ్‌ రామ్‌)
ఉత్తమ గాయకుడు: సిద్ద్‌ శ్రీరామ్‌ (పుష్ప ది రైజ్‌ - శ్రీవల్లి)
ఉత్తమ గాయని: ఇంద్రావతి చౌహాన్‌ (పుష్ప ది రైజ్‌ - ఊ అంటావా మావ)
విమర్శకుల ఉత్తమ నటి: సాయిపల్లవి (శ్యామ్‌సింగ్‌రాయ్‌)
విమర్శకుల ఉత్తమ నటుడు: నాని (శ్యామ్‌సింగరాయ్‌)
ఉత్తమ కొరియోగ్రాఫర్‌: శేఖర్‌ మాస్టర్‌ (అల వైకుంఠపురములో - రాములో రాములా)
ఉత్తమ సినిమాటోగ్రాఫర్‌: మిరోస్లా బ్రొజెక్ (పుష్ప - ది రైజ్)
ఉత్తమ నూతన నటి: కృతిశెట్టి (ఉప్పెన)
ఉత్తమ నూతన నటుడు: వైష్ణవ్‌ తేజ్‌ (ఉప్పెన)