డీఎండీకే పార్టీ అధినేత విజయ్‌కాంత్‌కు సర్జరీ.. కుడికాలి వేలు తొలగింపు
కోలీవుడ్ సీనియర్ హీరో, రాజకీయ నేత, డీఎండీకే పార్టీ అధినేత విజయకాంత్‌కి చెన్నైలో శస్త్రచికిత్స జరిగింది. ఆయన త్వరగా కోలుకుని పూర్వంలా ఆరోగ్యంగా ఉండాల‌ని కోరుతూ విజయ్ కాంత్ మిత్రుడు.. సూప‌ర్ స్టార్ ర‌జినీకాంత్ ట్వీట్ చేశారు.
అలాగే క‌మ‌ల్ హాస‌న్ సైతం విజయకాంత్ పూర్తి ఆరోగ్యంతో వ‌స్తార‌ని కోరుకుంటూ ట్వీట్ చేశారు. దీంతో కెప్టెన్ ఫ్యాన్స్ అస‌లేం జ‌రిగిందో తెలియ‌క చాలా టెన్ష‌న్ ప‌డుతున్నారు.
ఇంతకీ విజయ్‌కాంత్ ఆరోగ్యానికి ఏమైందంటే..? గ‌త కొన్నాళ్లుగా హై షుగ‌ర్‌తో బాధ‌ప‌డుతున్నారు విజయ్ కాంత్. తాజాగా మ‌రోసారి ఆయ‌న‌కు ఆరోగ్య ప‌ర‌మైన సమస్యలు రావ‌టంతో ఆయ‌న్ని చెన్నైలోని ఓ ప్రైవేట్ హాస్పిట‌ల్‌లో జాయిన్ చేశారు.
చెక్ చేసిన డాక్ట‌ర్స్ కుడికాలులోని ఓ వేలుకి ర‌క్త ప్ర‌స‌ర‌ణ కావ‌టం లేద‌ని గుర్తించారు. దాంతో ఆ కాలి వేలుని తొల‌గించారు. ఇంకా విజయకాంత్ హాస్పిట‌ల్‌లోనే ఉన్నారు.
రెండు, మూడు రోజుల్లోనే ఆయన కోలుకుంటార‌ని స‌మాచారం. అభిమానులు టెన్ష‌న్ ప‌డాల్సిన అవ‌స‌రం లేద‌ని ఆయన స‌న్నిహిత వ‌ర్గాలు చెబుతున్న‌ట్లు వార్తలు వినిపిస్తున్నాయి.
