వీధి కుక్కలను వశం చేసుకున్న బుడ్డోడు, కుక్కలపై సవారీ, వీడియో

ఇటీవలి కాలంలో వీధి కుక్కలు విపరీతంగా జనంపై బడి కరుస్తున్న ఘటనలను మనం చూస్తూనే వున్నాం. కర్నాటక, ఉత్తరప్రదేశ్ రాష్ట్రాలలో వీధి కుక్కలు కాటు వేయడంతో వందల మంది ఆస్పత్రుల్లో చికిత్స పొందుతున్నారు. ఆ సంగతి అలా వుంచితే నాలుగు వీధి కుక్కలను ఓ బుడ్డోడు వశం చేసుకుని వాటిపై సవారీ చేస్తున్నాడు. ఈ వీడియో ఇపుడు సోషల్ మీడియాలో హల్చల్ చేస్తోంది.

ఆ వీడియోలో బుడ్డోడు నాలుగు వీధి కుక్కలపై ఓ బండిని కట్టాడు. ఆ కుక్కలకు తాళ్లు కట్టి బండిపై ఎక్కి కూర్చుని చల్ చల్ అంటూ వాటిని తోలుకుంటూ వెళ్తున్నాడు. ఆ కుక్కలు రోడ్డుపై వర్షపు నీటిలో సైతం చక్కగా ఆ పిల్లవాడిని లాక్కెళుతూ వున్నాయి. ఈ వీడియోను చూసిన నెటిజన్లు క్రియేటివిటీ ఎవడు సొత్తు కాదు.. రాబోయే తరం ఆలోచనలు అంటూ కామెంట్లు చేస్తున్నారు.

కానీ చిన్నపిల్లల్ని కుక్కలతో ఇలాంటి సాహసాలు చేయించడం కరెక్ట్ కాదని మరికొందరు వ్యాఖ్యానిస్తున్నారు.

క్రియేటివిటీ ఎవడు సొత్తు కాదు...
రాబోయే తరం ఆలోచనలు...pic.twitter.com/6Q9w0DYrU5

— AppalaNaiduKellaiTdp (@AppalaNaiduKe12) June 18, 2026