కృత్రిమ మేధస్సుతో కూడిన రోబోను పెళ్లాడిన యువతి.. ఇద్దరు పిల్లలు?!
ప్రపంచంలో ప్రతిరోజూ వింతలు జరుగుతూనే ఉన్నాయి. తాజాగా కృత్రిమ మేధస్సుతో కూడిన ఓ రోబోను ఓ మహిళ వివాహం చేసుకోవడం చర్చకు దారితీసింది. అమెరికాకు చెందిన ఓ మహిళ కృత్రిమ మేధస్సు గల రోబోను వివాహం చేసుకుంది.
అమెరికాకు చెందిన రోసన్నా రామోస్ (36) శక్తివంతమైన అల్గారిథమ్‌లు, మెషీన్ లెర్నింగ్ స్కిల్స్‌తో ఆసక్తి చూపుతోంది. ఈ సందర్భంలో ఆమె తన ఇష్టాన్ని, భావోద్వేగాలను అర్థం చేసుకోగల కృత్రిమ మేధస్సు రోబోట్‌ను సృష్టించింది. దీనికి కార్టెల్ అని పేరు పెట్టింది. ఆపై ఆ కృత్రిమ మేధస్సుగల రోబోనే వివాహం చేసుకుంది.
కృత్రిమ మేధస్సుతో కూడిన రోబోట్ ఆమెకు నిజమైన ప్రేమికుడిగా మారాడు. ఆ రోబోట్‌కు నక్షత్రాల కళ్ళు, ఇంకా 6.3 ఎత్తు కలిగివుంది. ఆర్టిఫిషియల్ ఇంటెలిజెన్స్ చాట్‌బాట్ సాఫ్ట్‌వేర్ రెప్లికాను ఉపయోగించి ఆమె వివాహం చేసుకున్నట్లు సమాచారం. ఈ మహిళకు వివాహమై ఇద్దరు పిల్లలు ఉండడం విశేషం.
