ఇస్కో, ఊస్కో, రాస్కో, తీస్కో, కాస్కో, చూస్కో, మూస్కో, ఏస్కో...
బీజేపీ అంటే టీడీపీ అధినేత చంద్రబాబుకు భయం అని, వెన్నులో వణుకు అని టీడీపీ రెబ‌ల్ ఎమ్మెల్యే వ‌ల్ల‌భ‌నేని వంశీ మోహ‌న్ చెప్పారు. నారా లోకేష్ గురించి అయితే ఎంత త‌క్కువ మాట్టాడుకుంటే, అంత మంచిద‌న్నారు.
కృష్ణా జిల్లా గన్నవరంలో ఎమ్మెల్యే వంశీ మీడియాతో మాట్లాడుతూ, మ‌రోసారి లోకేష్ పై సెటైర్లు వేశారు. ఇస్కో, ఊస్కో, రాస్కో, తీస్కో, కాస్కో, చూస్కో, మూస్కో, ఏస్కో అని సినిమాల్లో రైటర్స్ 4 ముక్క‌లు రాసిస్తే, అందులో రెండు మర్చిపోయే లోకేష్ గురించి ఏం చెప్పుకోవాల‌ని అన్నారు.
చంద్రబాబు నాయుడికి ఆల్జిమర్స్ వ్యాధి సోకి, కొత్త బిచ్చగాడు పొద్దెరగడు అన్నట్టు పెట్రోలు బంక్ ల వద్ద ధర్నాలు చేసి, హారన్ లు కొట్టండి అంటాడ‌ని ఎద్దేవా చేశారు. సియం రమేష్ బద్వేల్ ఎలక్షన్స్ రెండు రోజులు ముందే చెప్పాడ‌ని, వ‌చ్చే ఎన్నిక‌ల్లో టీడీపీ, బీజేపీ పొత్తు పెట్టుకుంటాయని ఆయ‌నే అన్నాడ‌ని ఎమ్మెల్యే వంశీ గుర్తు చేశారు.
లోకేష్ ఈ రాష్ట్రంలో చదుకున్నవాడు కాదు, ఇక్కడున్న స్కూల్స్ గురించి, కాలేజ్ గురించి అసలేం తెలీదు... ఏదో కొంత మంది రైటర్స్ రాసిచ్చిన వాటిని చదివి, వాటిలో కొన్ని మర్చిపోయి, వర్ధంతిని.... జయంతి, జయంతిని...వర్ధంతి అంటాడ‌ని లోకేష్ ను ఎద్దేవా చేశారు. చంద్రబాబు చెప్పే మోస‌పు మాటలు నమ్మొద్దు అని టీడీపీ క్యాడర్ కి విజ్ఞప్తి చేస్తున్నట్లు వంశీ హిత‌వు ప‌లికారు.
