బెజ‌వాడ‌లో బాలీవుడ్ నటుడు సోనూసూద్...ఫ్యాన్స్ కేరింత‌లు
హీరోల‌క‌న్నా ఎక్కువ క్రేజ్! యూత్ కేరింత‌లు, పెద్ద‌లు, పోలీసుల‌కు కూడా ఆయ‌నతో సెల్ఫీ కోసం ఎగ‌బ‌డ‌టం ఇవ‌న్నీ చూస్తే, ఎవ‌రొచ్చారో మీకు ఇప్ప‌టికే అర్ధం అయి ఉంటుంది. ఆయ‌నే నటుడు సోనూ సూద్...ఇపుడు బెజ‌వాడ‌కు వ‌చ్చాడు... ఈ బాలీవుడ్ నటుడు.
కృష్ణా జిల్లా గన్నవరం విమానాశ్రయానికి చేరుకున్న సినీ నటుడు సోనూసూద్ కు ఘన స్వాగతం పలికారు ఆయ‌న అభిమానులు. అనంత‌రం ఆయ‌న రోడ్డు మార్గంలో విజయవాడకు బయలుదేరి వ‌చ్చారు. న‌గ‌రంలోని నోవాటెల్ హోట‌ల్ కి చేరిన సోనూసూద్ కు అక్క‌డ కూడా భారీగా అబిమానులు ఆహ్వానం పలికారు.
అనంత‌రం ఉదయం 10 గంటలకు పిన్నమనేని పాలీ క్లినిక్ రోడ్డులో ఉన్న అంకుర్ హాస్పిటల్ ను సోనూ సూద్ ప్రారంభించారు. ఈ సందర్భంగా ఆసుప‌త్రుల ప్రాముఖ్యంపై, వైద్యులందించాల్సిన సేవ‌ల‌పై సోనూసూద్ మీడియాతో మాట్లాడారు. సోనూసూద్ వెంట బీజేపీ నేత పాతూరి నాగ భూషణం ఉన్నారు.
