ఆంధ్రప్రదేశ్‌లో కూటమి.. ఏపీ సీఎం పదవికి జగన్ రాజీనామా
ఆంధ్రప్రదేశ్‌లో కూటమి అధికారంలోకి రానుందనే విషయం తేలిపోనుంది. అధికారంలో ఉన్న వైసీపీ ప్రభుత్వం గద్దె దిగనుంది. తాజా సమాచారం ప్రకారం జూన్ 9వ తేదీన ఆంధ్రప్రదేశ్ ముఖ్యమంత్రిగా చంద్రబాబు నాయుడు బాధ్యతలు స్వీకరించనున్నారు.
జూన్ 9న అమరావతిలో చంద్రబాబు సీఎంగా బాధ్యతలు చేపట్టనుండగా, అందుకు సంబంధించిన ఏర్పాట్లు ప్రస్తుతం జరుగుతున్నాయి. అమరావతిలో ప్రమాణస్వీకారోత్సవాన్ని నిర్వహించే బాధ్యతను దర్శకుడు బోయపాటి శ్రీనుకు అప్పగించినట్లు సమాచారం.
చంద్రబాబు తన కెరీర్‌లో 4వ సారి ఏపీకి సీఎంగా బాధ్యతలు చేపట్టనున్నారు. ఆంధ్రప్రదేశ్ ముఖ్యమంత్రి వైఎస్‌ జగన్‌మోహన్‌రెడ్డి తక్షణమే తన పదవి నుంచి వైదొలగనున్నారు.
ఇప్పుడు ఆంధ్రప్రదేశ్ పవర్ డైనమిక్‌లో స్పష్టమైన మార్పు కనిపించడంతో, జగన్ ఏపీ సీఎం పదవికి రాజీనామా చేయనున్నారు. మరికొద్ది నిమిషాల్లో ఆయన ఏపీ సీఎం పదవికి రాజీనామా సమర్పించనున్నారు.
మరికొద్ది నిమిషాల్లో ఆంధ్రప్రదేశ్ గవర్నర్‌కు జగన్ తన రాజీనామాను సమర్పించనున్నారు. అతి త్వరలో ఆయన పదవీ విరమణ చేయనున్నారు.
