దేశ వ్యాప్తంగా తగ్గిన పెట్రోల్ ధరలు... లీటరు ధరపై ఎంతంటే?

దేశ వ్యాప్తంగా పెట్రోల్, డీజిల్ ధరలు తగ్గాయి. దేశంలో సార్వత్రిక ఎన్నికలు సమీపిస్తుండటంతో కేంద్రం ఈ పెట్రోల్, డీజిల్ ధరలను తగ్గించింది. ఫలితంగా లీటరు పెట్రోల్‍‌, డీజిల్‌పై రూ.2 చొప్పున తగ్గించింది. ఈ సవరించిన ధరలు శుక్రవారం ఉదయం 6 గంటల నుంచి అమల్లోకి వచ్చాయి. ఈ ధరల తగ్గుదలపై కేంద్ర చమురు మంత్రిత్వ శాఖ కూడా ఓ ప్రకటన చేసింది. 

చమురు మార్కెటింగ్ కంపెనీలు పెట్రోల్, డీజల్ ధరలను దేశవ్యాప్తంగా సవరిస్తున్నట్టు సమాచారం ఇచ్చామని పెట్రోలియం శాఖ వెల్లడించింది. ఈ తగ్గింపు నిర్ణయం వినియోగదారులకు ఊరటనిస్తుందని, డీజిల్‌తో నడిచే 58 లక్షల గూడ్సు వాహనాలు, ఆరు కోట్ల కార్లు, 277 కోట్ల ద్విచక్రవాహనాల నిర్వహణ ఖర్చులు తగ్గుతాయని పేర్కొంది. లీటరు పెట్రోల్‌పై రూ.2 తగ్గిస్తూ తీసుకున్న తాజా నిర్ణయంతో దేశంలోని ప్రధాన నగరాల్లో పెట్రోల్, డీజల్ ధరలు శుక్రవారం నుంచి ఇలా ఉన్నాయి. 

దేశ వ్యాణిజ్య రాజధాని ముంబైలో లీటరు పెట్రోల్ పాత ధర రూ.106.31 కాగా, కొత్త ధర ప్రకారం రూ.104.21కు చేరుకుంది. ఢిల్లీలో లీటరు పెట్రోల్ పాత ధర రూ.96.72గా ఉంటే కొత్త ధర ప్రకారం రూ.94.72కు చేరుకుంది. అలాగే, కోల్‌కతాలో పాత ధర రూ.106.03గా ఉండగా, కొత్త ధర రూ.103.94కు చేరుకుంది. చెన్నైలో లీటర్ పెట్రోల్ పాత ధర రూ.102.63కాగా, కొత్త ధర రూ.100.75గా ఉంది.