భర్తకు దూరంగా వున్న యువతి గర్భం దాల్చింది...
భర్తకు దూరంగా వుంటున్న మహిళను ప్రేమ పేరుతో లొంగదీసుకుని గర్భవతిని చేసిన యువకుడిపై పోలీసులు కేసు నమోదు చేసుకుని దర్యాప్తు జరుపుతున్నారు. వివరాల్లోకి వెళితే.. జిల్లా కౌడిపల్లి మండలంలోని ఓ గ్రామానికి చెందిన యువతి(19) గతేడాదే ఓ వ్యక్తితో వివాహమైంది.
అయితే మనస్పర్థల కారణంగా ఏడాదికే వారిద్దరూ విడిపోయారు. దీంతో ఆమె పుట్టింటికి వచ్చేసింది. ఆమెకు సమీప బంధువు,బావ వరుసయ్యే నరసింహ అనే వ్యక్తి యువతికి ప్రేమ పేరుతొ దగ్గరయ్యాడు.
పెళ్లి చేసుకుంటానని నమ్మించి ఆమెకు శారీరకంగా దగ్గరయ్యాడు. తరచూ ఆ యువతితో లైంగిక కోరికలు తీర్చుకోవడంతో ఆమె గర్భం దాల్చింది.
దీంతో ఆమె పెళ్లి చేసుకోవాలని నరసింహను కోరగా తనకేమీ తెలియదని చేతులెత్తేశాడు. దీంతో మోసపోయానని గ్రహించి పోలీసులకు ఫిర్యాదు చేసింది. దీనిపై కేసు నమోదు చేసుకున్న పోలీసులు దర్యాప్తు చేస్తున్నారు.
