నేటితో ముగియనున్నఅనంతబాబు కస్టడీ... కోర్టులో హాజరు

తన కారు మాజీ డ్రైవర్ హత్య కేసులో అరెస్టు అయిన వైకాపా ఎమ్మెల్సీ అనంతబాబుకు కోర్టు విధించిన 14 రోజుల రిమాండ్ సోమవారంతో ముగియనుంది. దీంతో ఆయన్ను రాజమండ్రి ఎస్సీఎస్టీ అట్రాసిటీ కోర్టులో హాజరుపరచనున్నారు. మరోవైపు, ఈ కేసు విచారణలో భాగంగా, ఆయన్ను రిమాండ్‌లోకి తీసుకుని విచారించాలని పోలీసులు భావిస్తున్నారు. ఇందుకోసం రిమాండ్‌కు అప్పగించాలని కోరుతూ పోలీసుల తరపున పిటిషన్ దాఖలు చేయనున్నారు.

మరోవైపు, తనకు బెయిల్ మంజూరు చేయాలని కోరుతూ అనంతబాబు తరపున కోర్టులో పిటిషన్ దాఖలైంది. ఈ పిటిషన్‌పై కూడా విచారణ జరిగింది. ఈ నేపథ్యంలో సోమవారం జరిగే విచారణలో కోర్టు ఆయనకు రిమాండ్‌ను పొడగిస్తుందా లేదా బెయిల్ మంజూరు చేస్తుందా అనే అంశంపై సర్వత్రా ఆసక్తి నెలకొంది. మరోవైపు, అనంతబాబుకు కఠిన శిక్ష విధించాలని రాష్ట్రంలోని దళిత సంఘాలు గట్టిగా డిమాండ్ చేస్తున్నాయి.