భారతీయ కార్ల మార్కెట్‌లో మరో కొత్త రకం కారు
ప్రముఖ కార్ల తయారీ కంపెనీల్లో ఒకటై సిట్రాన్ నుంచి మరో కొత్త రకం కారు భారతీయ మార్కెట్లోకి వచ్చింది. సీ3 పేరుతో దీన్ని రిలీజ్ చేసింది. దీని ప్రారంభ ధర రూ.5.7 లక్షలు(ఎక్స్‌షోరూమ)గా నిర్ధారించారు. ఈ కారు 1.2 లీటర్ల పెట్రోల్ ఇంజన్‌ కెపాసిటీతో రూపొందించారు. ఇందులో రెండు రకాల మోడల్స్‌ను అందుబాటులోకి తెచ్చారు.
వీటిలో ఒకటి 1.2 లీటర్ ఫ్యూర్‌టెక్, 82 మేడెడ్ విత్ 5 స్పీడ్ మ్యానువల్ ట్రాన్స్‌మిషన్ కాగా, రెండోది 1.2 లీటర్ల ప్యూ‌ర్‌టెక్, 110 విత్ 6 స్పీడ్ మ్యానువల్ ట్రాన్స్‌మిషన్ పవన్ కలిగివుంది.
సిట్రాన్ కంపెనీ నుంచి బి హ్యాచ్ సెగ్మెంట్‌తో దేశంలో తొలిసారి విడుదలైన తొలికారు ఇదే కావడం గమనార్హం. ఈ కారుకు అమర్చిన విడిభాగాల్లో 90 శాతం మేరకు దేశీయంగానే తయారు చేశారు. ఈ కారు దేశ వ్యాప్తంగా 19 షోరూమ్‌లలో బుధవారం నుంచి అందుబాటులోకి వచ్చింది.
