భారతదేశంలోని ప్రముఖ ఫార్మాస్యూటికల్ కంపెనీలలో ఒకటైన మ్యాన్‌కైండ్ ఫార్మా, మ్యాన్‌కైండ్ అగ్రిటెక్ ప్రైవేట్ లిమిటెడ్‌ను ప్రారంభించనున్నట్లు ప్రకటించింది. ఈ రంగంలో సాంకేతిక ఆవిష్కరణలను ఉపయోగించేందుకు, భారతీయ వ్యవసాయ భూములకు, భారతీయ వ్యవసాయ వినియోగదారులకు తన నైపుణ్యాన్ని అందించడానికి కంపెనీ ఎప్పటికప్పుడు అభివృద్ధి చెందుతున్న భారతీయ వ్యవసాయ-ఇన్‌పుట్ విభాగంలోకి ప్రవేశించింది. ఈ విభాగంలోకి ప్రవేశించడం వెనుక ఉన్న ముఖ్యోద్దేశం, భారతీయ రైతులకు నూతన-యుగం సాంకేతిక పరిజ్ఞానాన్ని అందించడం ద్వారా మరియు గ్రామీణ రంగాన్ని మెరుగుపరచడం కోసం రైతులకు సహాయం చేయడం.
మ్యాన్‌కైండ్ అగ్రిటెక్ ప్రారంభంతో, కంపెనీ కలుపు మందులు, క్రిమిసంహారకాలు, శిలీంద్రనాశకాలు, మొక్కల పెరుగుదల నియంత్రకాలు, జీవసంబంధమైన వాటితో సహా భారతీయ రైతులకు పంట సంరక్షణ పరిష్కారాలను అందిస్తుంది. మ్యాన్‌కైండ్ అగ్రిటెక్ దేశ ఆహార భద్రత కోసం కృషి చేస్తుంది. రైతులకు మద్దతు ఇవ్వడానికి సాంకేతిక సాధనాలను వారికి అందించాలనే లక్ష్యంతో కంపెనీ వాటిలో పెట్టుబడి పెడుతుంది.
ఆవిష్కరణను ప్రకటిస్తూ, మ్యాన్‌కైండ్ ఫార్మా మేనేజింగ్ డైరెక్టర్, వైస్-ఛైర్మెన్ రాజీవ్ జునేజా ఇలా వ్యాఖ్యానించారు, “మొదటి రెండు మూడు సంవత్సరాలలో ప్రారంభ 150 నుండి 200 కోట్ల కాపెక్స్ ఇన్ఫ్యూషన్‌తో దీర్ఘకాలిక పెట్టుబడి ప్రణాళికలతో అగ్రిటెక్ డొమైన్‌లో మా ఆవిష్కరణను ప్రకటించినందుకు మేము సంతోషిస్తున్నాము. మ్యాన్‌కైన్ అగ్రిటెక్ ప్రపంచ స్థాయి పంటల రక్షణ సాంకేతికతను భారతీయ రైతులకు అందించడానికి కట్టుబడి ఉంది. భారతదేశంలో వ్యవసాయ రంగం వృద్ధిని నిర్ధారించడంలో సాంకేతికత కీలక పాత్ర పోషిస్తోంది. అగ్రిటెక్‌కు సాంకేతిక జోక్యం ద్వారా వ్యవసాయ పరిశ్రమను పెంచే అవకాశం ఉంది. రైతులు సరైన ఉత్పత్తులు మరియు సాధనాలను పొందినట్లయితే, వారు ఇన్‌పుట్ మరియు సరైన సాంకేతిక పరిజ్ఞానాన్ని ఉపయోగించడం గురించిన సమాచారంతో నిర్ణయం తీసుకునే స్థితిలో ఉంటారు. మ్యాన్‌కైండ్ అగ్రిటెక్ రైతులకు నాణ్యమైన హామీని అందిస్తుంది.
కొత్త విభాగానికి భారతీయ వ్యవసాయ రసాయన పరిశ్రమలో అనుభవజ్ఞుడైన మిస్టర్ పార్థ సేన్‌గుప్తా నేతృత్వం వహిస్తారు. మిస్టర్ పార్థ సేన్‌గుప్తా సేల్స్, మార్కెటింగ్‌లో మూడు దశాబ్దాలకు పైగా అనుభవంతో వ్యవసాయ రసాయన పరిశ్రమ నుండి అనేక అనుభవాలను అందించారు. మిస్టర్ సేన్‌గుప్తా భారతదేశం, బంగ్లాదేశ్, నేపాల్‌లో మార్కెటింగ్ కార్యకలాపాలను పర్యవేక్షిస్తున్న ధనుకా అగ్రిటెక్ లిమిటెడ్‌లో నేషనల్ మార్కెటింగ్ హెడ్, సీనియర్ లీడర్‌షిప్ టీమ్‌లో భాగంగా ఉన్నారు.
మిస్టర్ సేన్‌గుప్తా ఇలా అన్నారు, “నాణ్యత విషయంలో రాజీ పడకుండా, మా అన్నదాతలకు ఎంపిక శక్తిని అందించే ఉత్పత్తుల సమర్పణలు, సేవలతో భారతీయ వ్యవసాయ పర్యావరణ వ్యవస్థ అభివృద్ధి చెందడం చాలా ముఖ్యం. రైతు సాధికారతకు స్ఫూర్తినిచ్చే విలువను అందిస్తామనే వాగ్దానంతో అంతర్జాతీయంగా అందుబాటులో ఉన్న తాజా సాంకేతికతతో అనుబంధించబడిన ప్రపంచ స్థాయి నాణ్యత ఉత్పత్తులను వారికి అందించడానికి మేము ఇక్కడ ఉన్నాము. "
మ్యాన్‌కైండ్ అగ్రిటెక్ ప్రారంభించడంతో, మ్యాన్‌కైండ్ పేరెంట్ అంబ్రెల్లా కింద భారతీయ రైతులకు ప్రపంచ స్థాయి పంట రక్షణ సాంకేతికతను తీసుకురావడానికి కంపెనీ కట్టుబడి ఉంది. పంట రక్షణ యొక్క కొత్త విభాగం, "సర్వింగ్ లైఫ్" సంస్థ యొక్క నిబద్ధతను జోడిస్తుంది, వ్యవసాయ భూముల విస్తీర్ణం తగ్గిపోతుండటం వలన భారతీయ రైతులకు నాణ్యమైన ఉత్పత్తుల యొక్క పెరుగుతున్న డిమాండ్‌లను తీర్చడంలో దేశానికి సహాయపడే పంటల రక్షణ పరిష్కారాలను రూపొందించడం, అభివృద్ధి చేయడం, వాణిజ్యీకరించడం, డబ్బుకు తగిన విలువను అందించడం వంటి వాటిని నిర్ధారిస్తుంది.
