ప్రజలకు అణుశక్తి గురించి అవగాహన కల్పించిన NPCIL ఆటమ్ ఆన్ వీల్

శ్రీకాకుళం: అణుశక్తి యొక్క వివిధ ఉపయోగకరమైన అంశాల గురించి ప్రజలకు అవగాహన కల్పించడానికి "ఆటమ్ ఆన్ వీల్" పేరిట మొబైల్ ఎగ్జిబిషన్ ద్వారా ప్రత్యేక ప్రచారం నవంబర్ 13, 2024న శ్రీకాకుళం జిల్లాలో ప్రారంభించబడింది. నవంబర్, డిసెంబర్, 2024- జనవరి, 2025 సహా గత 3 నెలల్లో, ఈ వినూత్న ప్రచారం ద్వారా దాదాపు 64755 మందికి అణుశక్తి గురించి సమాచారం అందించబడింది. ప్రత్యేక అంశాలు, సృజనాత్మక విధానంతో, ఈ ఎగ్జిబిషన్  శ్రీకాకుళం, విజయనగరం జిల్లాలోని 15 కంటే ఎక్కువ మండలాల్లోని సుమారు 139 గ్రామాల పాఠశాలలు, కళాశాలలు, కమ్యూనిటీ మార్కెట్లు మొదలైన వాటిని సందర్శించడం ద్వారా విద్యార్థులు, వివిధ రంగాలకు చెందిన సాధారణ ప్రజలను విజయవంతంగా అవగాహన కల్పించింది. 

జనవరి, 2025 చివరి నుంచి  ఫిబ్రవరి 12 వరకు, శ్రీకాకుళం, విజయనగరం, పార్వతీపురం మన్యం జిల్లాలోని 71 గ్రామాలలో అణుశక్తి యొక్క సామాజిక ఉపయోగాల గురించి సుమారు 12904 మందికి సమాచారం అందించబడింది. ఈ ప్రచారానికి విద్యార్థులు, మహిళలు, యువత, గ్రామ పంచాయతీ సభ్యులు, సాధారణ గ్రామస్తులు, ఇతర ప్రజల నుండి భారీ మద్దతు, మంచి సహకారం లభించింది.

ఈ ప్రజా అవగాహన ప్రచారంలో భాగంగా, అణుశక్తి- భద్రత యొక్క వివిధ అంశాలపై అనేక విద్యా చిత్రాలను మొబైల్ ఎగ్జిబిషన్ సమయంలో అంతర్గత ప్రొజెక్షన్ సిస్టమ్, ఎల్ఈడి టీవీ ద్వారా ప్రదర్శించారు. సృజనాత్మక కరపత్రాలు, ప్రచురణల ద్వారా ప్రతిపాదిత అణు విద్యుత్ ప్లాంట్లు, వివిధ సమస్యల గురించి ప్రజలకు అవగాహన కల్పించారు, వివరించారు. అణుశక్తికి సంబంధించి స్థానిక గ్రామస్తుల ఉత్సుకత, సందేహాలను పరిష్కరించడానికి బృంద సభ్యులు కూడా అవిశ్రాంతంగా కృషి చేశారు. రాబోయే వారాలలో, శ్రీకాకుళం, విజయనగరంలోని మిగిలిన మండలాలలో కూడా ఈ ప్రచారం నిర్వహించబడుతుంది. తద్వారా ఆ ప్రాంతంలోని మరింత ఎక్కువ మంది ప్రజలను చేరుకోవటం సాధ్యమవుతుంది.