ఈడెన్ గార్డెన్స్‌లో రెండో సెమీ ఫైనల్ : వర్షంతో ఆగిన ఆసీస్ - సౌతాఫ్రికా మ్యాచ్
వరల్డ్ కప్‌లో భాగంగా, ఐసీసీ వన్డే ప్రపంచ కప్ పోటీల్లో భాగంగా గురువారం ఈడెన్ గార్డెన్స్‌లో జరుగుతుంది. ఈ మ్యాచ్లో ఆస్ట్రేలియా - సౌతాఫ్రికా జట్ల మధ్య సెమీస్ ప్రారంభమైంది. ఈ మ్యాచ్లో టాస్ గెలిచిన సఫారీలు బ్యాటింగ్ ఎంచుకుంది. అనుకూల పరిస్థితుల్లో విజృంభించిన ఆసీస్ పేరర్లు నాలుగు వికెట్లు కూల్చారు. మ్యాచ్ రసవత్తరంగా సాగుతుండగా 14వ ఓవర్‌లో వర్షం అడ్డంకిగా మారడంతో మ్యాచ్‌ను ఫీల్డ్ అంపైర్లు నిలిపివేశారు.
వర్షం కారణంగా మ్యాచ్ ఆగిపోయే సమయానికి దక్షిణాఫ్రికా 14 ఓవర్లలో 4 వికెట్ల నష్టానికి 44 పరుగులు చేసింది. సఫారీ మిడిలార్డర్ బ్యాట్స్‌మెన్ హెన్రిచ్ క్లాసెన్ (10 బ్యాటింగ్), డేవిడ్ మిల్లర్ (10 బ్యాటింగ్) క్రీజులో ఉన్నారు. ఆసీస్ బౌలర్లలో స్టార్క్ 2, హేజెల్ వుడ్ 2 వికెట్లు తీసి దక్షిణాఫ్రికాను కోలుకోలేని దెబ్బతీశారు.
పిచ్‌పై కాస్త తేమ ఉండడం, స్వింగ్ లభించడం వంటి కారణాలతో ఆసీస్ పేసర్లు పదునైన బంతులతో విరుచుకుపడ్డారు. తొలి పవర్ ప్లేలోనే కేవలం ఎనిమిది పరుగులకే ఓపెనర్ల వికెట్లు కోల్పోయిన దక్షిణాఫ్రికా... ఆ తర్వాత మరో రెండు వికెట్లు చేజార్చుకుని పీకల్లోతు కష్టాల్లో పడింది.
