ఎరుపు రంగు ద్రాక్షతో ఎన్ని ప్రయోజనాలో...
ద్రాక్ష పండ్ల సీజన్ మొదలైంది. ప్రస్తుతం మార్కెట్‌లో తెల్ల ద్రాక్ష పండ్లు విరివిగా లభిస్తున్నాయి. ఈ ద్రాక్ష పండ్లు తెల్ల, నలుపు, ఎరుపు రంగుల్లో ఉంటాయి. వీటిలో ప్ర‌ధానంగా ఎరుపు రంగు ద్రాక్ష పండ్ల‌ను తింటే ఎలాంటి లాభాలు క‌లుగుతాయో ఇప్పుడు తెలుసుకుందాం.
* ఎరుపు రంగులో ఉండే ప్రతి రోజూ ఆరగించడం వల్ల శ‌రీరంలో ఉండే వాపులు పోతాయి.
* అధిక బ‌రువు త‌గ్గుతారు. కీళ్ల నొప్పులు, గుండె జ‌బ్బులు రాకుండా ఉంటాయి.
* వ‌య‌స్సు మీద ప‌డ‌డం కారణంగా వచ్చే అల్జీమ‌ర్స్ వ్యాధి రాకుండా అడ్డుకోవ‌చ్చు.
* ఇత‌ర రంగు ద్రాక్ష‌ల క‌న్నా ఎరుపు రంగు ద్రాక్ష‌ల్లోనే యాంటీ ఆక్సిడెంట్లు పుష్క‌లంగా ఉంటాయి.
* ఇవి ఫ్రీ ర్యాడిక‌ల్స్ వల్ల శ‌రీర క‌ణ‌జాలం నాశ‌నం కాకుండా ర‌క్షిస్తాయి.
* ఎరుపు రంగు ద్రాక్షలను నిత్యం తింటే రక్తంలో ఉండే చెడు కొలెస్ట్రాల్ స్థాయిలు త‌గ్గి మంచి కొలెస్ట్రాల్ స్థాయిలు పెరుగుతాయి.
* చెడు కొలెస్ట్రాల్ స్థాయి తగ్గిపోవడంతో గుండె జ‌బ్బులు రాకుండా ఉంటాయి.
* నిత్యం ఎరుపు రంగు ద్రాక్షలను తింటుంటే ర‌క్త స‌ర‌ఫ‌రాతో పాటు కంటి చూపు పెరుగుతుంది.
* డ‌యాబెటిస్ ఉన్న‌వారు ఎరుపు రంగు ద్రాక్షలను తిన‌డం మంచిది. దీంతో వారి రక్తంలో షుగ‌ర్ స్థాయిలు త‌గ్గుతాయి.
