శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. అంతర్జాతీయ వార్తలు
Written By సెల్వి
Last Updated : మంగళవారం, 6 సెప్టెంబరు 2022 (16:19 IST)

ప్రెగ్నెన్సీ వచ్చిందనే విషయం తెలియదు.. కడుపునొప్పితో వెళ్లి బిడ్డతో వచ్చింది..

ప్రెగ్నెన్సీ వచ్చిందనే విషయం డెలివరీ అయ్యేవరకు కూడా తెలీదు కొందరు స్త్రీలకి. మెక్సికోలో నివసిస్తున్న 20 ఏళ్ల యువతికి ఇలాంటి అనుభవమే ఎదురైంది. ఆ అమ్మాయికి ప్రెగ్నెన్సీ గురించి అస్సలు తెలియదు. ఫ్రెండ్స్‌తో కలిసి క్లబ్‌లో హాయిగా పార్టీ చేసుకుంటోంది. 
 
ఈలోగా కడుపులో విపరీతమైన నొప్పి రావడంతో డాక్టర్ దగ్గరికి వెళ్లింది. అయితే తనకు వచ్చింది మామూలు కడుపునొప్పి కాదు అది ప్రసవ వేదన అని తెలుసుకొని ఆశ్చర్యపోయింది. పండంటి మగబిడ్డకు జన్మనిచ్చింది.
 
వివరాల్లోకి వెళితే, మెక్సికోకు చెందిన వివియన్ వీస్ రుయిజ్వెలాస్కో(20) వృత్తిరీత్యా సేల్స్ అసిస్టెంట్‌. వివియన్‌కు గర్భానికి సంబంధించిన ఎలాంటి లక్షణాలు కనిపించలేదు, కడుపు నుంచి బయటకు రాలేదు. ఆశ్చర్యకరంగా ఆమెకు పీరియడ్స్ వస్తున్నాయి. ఆమె నిరంతరం సాధారణ వ్యాయామాలు చేస్తూనే ఉంది. ఆమె గర్భవతి అన్న సంగతి ఆమెకు తెలియదు. 
 
అక్టోబర్ 2021న స్నేహితురాలి పుట్టినరోజు వేడుక సందర్భంగా క్లబ్‌లో ఉన్న వివియన్‌కు కడుపునొప్పి మొదలైంది. అది మరింత ఎక్కువవడంతో ఇంటికి వెళ్లింది. కడుపునొప్పి తగ్గకపోవడంతో మరుసటి రోజు ఉదయం సర్జరీ ద్వారా కొడుకుకు జన్మనిచ్చింది.