18వేల అడుగుల ఎత్తులో పుట్టిన బిడ్డ.. పేరెంటో తెలుసా..? ''స్కై''!

క్రిస్టెల్ హిక్స్ అనే మహిళ అలస్కా రాష్ట్రంలోని ఆంకరేజ్ పట్టణంలో నివసిస్తున్నారు. ఆమె 35 వారాల గర్భవతి. ఈ నేపథ్యంలో ఆసుపత్రిలో వైద్య పరీక్షలు చేయించుకోవడానికి ఆమె.. ఈ నెల 5న విమానంలో బయల్దేరారు. విమానం దాదాపు 18వేల అడుగుల ఎత్తులో ఉన్నప్పుడు.. ఆమెకు అకస్మాత్తుగా పురిటినొప్పులొచ్చాయి. ఈ క్రమంలో క్రిస్టెల్ హిక్స్ ఓ పండంటి బాబుకు జన్మనిచ్చారు. 

కాగా.. క్రిస్టెల్ హిక్స్ 18వేల అడుగుల ఎత్తులో తన కుమాడికి జన్మనివ్వడం.. అది ఆ బుడ్డోడికి మొదటి ప్రయాణం కావడంతో ఆమె తన కొడుకుకు ప్రత్యేకమైన పేరు పెట్టాలని నిర్ణయించుకున్నారు. ఈ క్రమంలో క్రిస్టెల్ హిక్స్ తన కుమారుడికి 'స్కై'గా నామకరణం చేశారు. 

ఇక... క్రిస్టెల్ హిక్స్, స్కై ఎయిరాన్ హిక్స్ ఆరోగ్యం ప్రస్తుతం బాగానే ఉన్నట్లు ఆమె కుటుంబ సభ్యులు తెలిపారు. నెలలు నిండకముందే స్కై ఎయిరాన్ హిక్స్ జన్మించడంతో.. ఆ చిన్నోడిని వైద్యుల పర్యవేక్షణలో ఉంచినట్లు తెలిపారు.