ప్లీజ్, వాళ్లను తీసుకెళ్లి ఆఫ్ఘనిస్తాన్‌ను డొల్ల చేయొద్దు: బ్రతిమాలుతున్న తాలిబన్లు, ఎవరిని?
తాలిబన్లు ఆఫ్ఘనిస్తాన్ దేశాన్ని వశం చేసుకున్న తర్వాత అక్కడి నుంచి చాలామంది సంపన్నులు దేశం విడిచి వెళ్లిపోయారు. ఇప్పటికీ వెళ్లిపోతూనే వున్నారు. అందుకు అమెరికా సాయం చేస్తుందన్నది తాలిబాన్ల అనుమానం. దాంతో తమ దేశ ఉన్నత వర్గాలను దయచేసి ఇక్కడి నుంచి తీసుకుని వెళ్లవద్దని తాలిబన్లు అమెరికాను బ్రతిమాలుడుతున్నారు.
ఎందుకంటే సంపన్నులు అంతా వెళ్లిపోతే ఇక మిగిలేది డొల్లే కదా. అసలే ఆర్థిక కష్టాలతో అగమ్యగోచరంగా మారిన ఆఫ్ఘనిస్తాన్ దేశంలో సంపన్నులు కూడా దేశం వదలి వెళ్లిపోతే... యువతుకు ఉపాధి, పరిశ్రమలు అంతా క్లిష్టమైపోతుంది. దాంతో మళ్లీ తాలిబాన్లపై ప్రజలు తిరగబడే అవకాశం లేకపోలేదు.
ఇదిలావుంటే తాలిబాన్లు మాత్రం తమ పాతవైఖరిని ఏమాత్రం వీడుతున్నట్లు కనబడటంలేదు. జీన్స్ ధరించిన ఆఫ్ఘనిస్తాన్ పౌరులను కొరడాలతో కొడుతున్న దృశ్యాలు ఇటీవల హల్చల్ చేశాయి. ఇంకోవైపు ఎనిమిదేళ్లు నిండిన బాలిక నుంచి ప్రతి మహిళ ముఖం సైతం కనిపించకుండా బురఖా ధరించాలనే ఆంక్షలు కూడా వేస్తారనే ప్రచారం జరుగుతోంది.
