లావా నుంచి బడ్జెట్ ధరకే 5జీ స్మార్ట్ ఫోన్... ధర రూ.9,999.. స్పెసిఫికేషన్స్
లావా నుంచి బడ్జెట్ ధరకే 5జీ స్మార్ట్ ఫోన్ విడుదల అయ్యింది. లావా బ్లేజ్ 5జీ పేరుతో వచ్చిన ఈ ఫోన్ ధర రూ.9,999. ఇది కేవలం ఆరంభ ధర మాత్రమే అని కంపెనీ తెలిపింది. అంటే తర్వాత ఈ ధర కొంత పెరిగే అవకాశం ఉంటుంది. తక్కువ ధరలో 5జీ ఫోన్ కోసం చూసే వారికి ఇది మంచి ఎంపిక.
స్పెసిఫికేషన్స్..
4జీబీ ర్యామ్, 128 జీబీ స్టోరేజ్ తో వచ్చే ఈ ఫోన్లో, 6.51 అంగుళాల హెచ్ డీ ప్లస్ ఐపీఎస్ ఎల్ సీడీ డిస్ ప్లే ఉంటుంది. మీడియాటెక్ డైమెన్సిటీ 700 చిప్ సెట్ పై పనిచేస్తుంది.
వెనుక భాగంలో మూడు కెమెరాలు ఉంటాయి. 50 మెగా పిక్సల్ ప్రైమరీ కెమెరా, మరో రెండు సెన్సార్లను ఏర్పాటు చేయగా, ముందు భాగంలో సెల్ఫీల కోసం 8 మెగాపిక్సల్ కెమెరా ఉంది.
కెమెరా పరంగా చాలా ఫీచర్లున్నాయి. 5,000 ఎంఏహెచ్ బ్యాటరీ ఉంది. గ్లాస్ బ్లూ, గ్లాస్ గ్రీన్ రంగుల్లో లభిస్తుంది. ప్రధాన కెమెరాతో 2కే వీడియోలను రికార్డ్ చేయొచ్చని కంపెనీ ప్రకటించింది.
