మోడీకి వంట చేయడం అంటే చాలా ఇష్టమట.!

FILE

ప్రధాన మంత్రి నరేంద్ర మోడీకి వంట చేయడం అంటే చాలా ఇష్టమట. ప్రత్యేకంగా గుజరాతీ స్పెషల్ వంటకాల తయారీలో అందెవేసిన చేయి. పుల్కాలు, బటాటా పోహా, సబుదానా కిచిడీ వంటివి అత్యంత రుచికరంగా చేస్తారు.

* దసరా నవరాత్రుల్లో తొమ్మిది రోజులూ మోడీ ఉపవాసం చేస్తారు. గుజరాత్‌లోని అంబాజీ పట్ణంలో కొలువై ఉన్న అంబాజీ మాత (దుర్గాదేవి) అంటే మోడీకి ఎంతో భక్తి. అందుకే.. ఆ ఊళ్లో రాష్ట్ర ప్రభుత్వ నిధులతో 51 శక్తిపీఠాల నమూనాలను నిర్మింపజేశారు.

* రోజూ ఉదయాన్నే ఏడుగంటలకు ఇంటర్‌నెట్ చూస్తారు. వివిధ పత్రికల్లో, వెబ్‌సైట్లలో తనపై వచ్చిన వార్తలను చదువుతారు. వేరే ఊళ్లల్లో ఉన్నా, ఆ సమయానికి ప్రయాణంలో ఉన్నా ఈ రొటీన్ తప్పనిసరి.

* నెట్ చూడటం, పేపర్ చదవడం పూర్తయ్యాక పార్టీ, ప్రభుత్వ వ్యవహారాలపై దృష్టి సారిస్తారు. తన అనుచరులు, మంత్రివర్గ సహచరులతో ఫోన్‌లో సంప్రదిస్తారు. వీలైనంత త్వరగా కార్యాలయానికి చేరుకుని రాత్రి 10 గంటల దాకా అక్కడే ఉంటారు. అవసరమైతే మరికొద్ది సేపూ ఉంటారు.

* మోదీ నిద్రించే సమయం తక్కువ. రాత్రి ఎన్ని గంటలకు పడుకున్నా తెల్లవారుజామున ఐదు-ఐదున్నరకు మేలుకుంటారు.

* తన ఆహార్యంపైన అత్యంత శ్రద్ధ చూపుతారు. అద్దం ముందు నిలబడి తన ఆహార్యాన్ని పూర్తిగా పరిశీలించుకుని సంతృప్తి చెందాకే బయటికొస్తారు. మోడీ ప్రచార కార్యాలయం నుంచి మీడియాకు చేరే ప్రతి ఫొటో ఆయన ఆమోదం పొందాకే బయటకు వస్తుంది.

* ఆయన ప్రయాణించే కారులో వెనకసీటులో రంగురంగుల ఉత్తరీయాలు, స్కార్ఫ్‌లు ఉంటాయి. సందర్భాన్ని బట్టి వాటిలో ఒకదాన్ని తీసుకుని మెళ్లో వేసుకున్నాకే కారు దిగుతారు.

* కవిత్వం అంటే ఇష్టం. ఎప్పుడో రాస్తారు. ఆయన కవిత్వం అంత బాగోదని సన్నిహితులు అంటుంటారు. అలాగే ఫొటోగ్రఫీ అన్నా మోడీకి ఇష్టమే.

* మోదీకి మడత నలగని దుస్తులు ధరించడమంటే ఇష్టం. మరీ చిన్నప్పుడు కాదుగానీ.. 15-16 ఏళ్ల వయసు నుంచీ చెంబు ఇస్ట్రీ చేసుకున్నాకే దుస్తులు వేసుకునేవారట.

అంచెలంచెలుగా ఎదిగిన ప్రధాన మంత్రి నరేంద్ర మోడీ గుజరాత్‌ను అభివృద్ధి పరిచినట్లు దేశాన్ని కూడా ప్రగతి పథంలో నడిపిస్తారని ఆకాంక్షిద్దాం..