శుక్రవారం, 19 ఏప్రియల్ 2024
  1. వార్తలు
  2. తెలుగు వార్తలు
  3. జాతీయ వార్తలు
Written By సెల్వి
Last Updated : సోమవారం, 26 ఫిబ్రవరి 2024 (20:18 IST)

చంద్రబాబు బెయిల్‌ను రద్దు చేయాలి.. సుప్రీంను ఆశ్రయించిన సర్కారు

Babu
స్కిల్ డెవలప్‌మెంట్ కార్పొరేషన్ కుంభకోణం కేసును విచారిస్తున్న ప్రభుత్వ అధికారులను టీడీపీ అధినేత చంద్రబాబు నాయుడు, ఆయన కుటుంబ సభ్యులు బెదిరిస్తున్నారని ఆరోపిస్తూ, ఆయన బెయిల్‌ను రద్దు చేయాలని ఆంధ్రప్రదేశ్ ప్రభుత్వం సోమవారం సుప్రీంకోర్టును కోరింది. 
 
రాష్ట్ర ప్రభుత్వం తరపున హాజరైన సీనియర్ న్యాయవాది ముకుల్ రోహ్తగి, జస్టిస్ బేలా ఎమ్ త్రివ్‌దేయ్ అధ్యక్షతన గల ధర్మాసనానికి చంద్రబాబు బెయిల్‌ను రద్దు చేయాలని కోరారు. ఈ కేసు దర్యాప్తులో పాల్గొన్న అధికారులను బహిరంగంగా బెదిరిస్తున్నారని వివరించారు. తదుపరి ఎన్నికల దృష్ట్యా నిందితులకు బెయిల్ లేదా స్వేచ్ఛ వల్ల ఎలాంటి ప్రయోజనం ఉండకూడదని అన్నారు.
 
ఇక జస్టిస్ పంకజ్ మిథాల్‌తో కూడిన ధర్మాసనం, ఆరోపించిన స్టేట్‌మెంట్‌లను రికార్డులో ఉంచకపోతే, సుప్రీం కోర్టు సమర్పణలను పరిగణనలోకి తీసుకోదని పేర్కొంది.  
 
ఇకపోతే.. రాష్ట్ర ప్రభుత్వం ఆరోపణలపై స్పందించడానికి రెండు వారాల వ్యవధిని అనుమతిస్తూ, సుప్రీం కోర్టు ఈ విషయాన్ని మార్చి 19కి విచారణకు వాయిదా వేసింది.