హెలికాఫ్టర్ కూలిపోవడానికి ముందు ఏం జరిగింది.. వీడియో...
నీలగిరి జిల్లాలో భారత రక్షణ శాఖకు చెందిన అత్యాధునిక హెలికాఫ్టర్ ఎంఐ17వి5 రకం కూలిపోయింది. ఈ ప్రమాదంలో సీడీఎంస్ బిపిన్ రావత్‌తోపాటు ఆయన భార్య, మరో 11 మంది మృతి చెందారు. అయితే, ఈ హెలికాఫ్టర్ నీలగిరి జిల్లా కాట్టేరి అటవీ ప్రాంతంలో బుధవారం మధ్యాహ్నం ప్రమాదానికి గురైంది.
అయితే, ఈ ప్రమాదానికి ముందు కొన్ని క్షణాల ముందు తీసిన వీడియో ఒకటి ఇపుడు వెలుగులోకి వచ్చింది. కొందరు పర్యాటకులు ఆర్మీ హెలికాఫ్టర్‌ను గుర్తించి దాన్ని వీడియో తీశారు. ఆ సమయంలో కొండల మధ్య పర్యాటకులు నడుచుకుంటూ వెళ్తున్నారు.
ఒక్కసారిగా హెలికాఫ్టర్ కూలిన పెద్ద శబ్దం రావడంతో వారు ఉలిక్కిపడ్డారు. దట్టమైన పొగమంచులోకి హెలికాఫ్టర్ వెళుతున్నట్టుగా ఈ
వీడియోలోని దృశ్యాలను పరిశీలిస్తే తెలుస్తుంది. ఆ తర్వాత కొద్దిసేపటికి ఆ హెలికాఫ్టర్ పేలిన శబ్దం వినిపడుతోంది. ఈ వీడియోను కొన్ని జాతీయ మీడియా ఛానెళ్లు కూడా ప్రసారం చేస్తున్నాయి.
