ప్రియురాలితో కలిసి భార్యను చంపేసిన భర్త.. ఎక్కడ?
ఇటీవలి కాలంలో వివాహేతర సంబంధాల హత్యలు విపరీతంగా జరుగుతున్నాయి. పడక సుఖం కోసం ఆశపడే స్త్రీపురుషులు... బంధాలు, అనుబంధాలు విస్మరించి క్షణికావేశంలో హత్యలకు పాల్పడుతున్నారు. ఈ కారణంగా అనేక కుటుంబాలు చిన్నాభిన్నమైపోతున్నాయి. తాజాగా తన ఓ భర్త తన ప్రియురాలితో కలిసి కట్టుకున్న భార్యను చంపేశాడు. ఈ దారుణం కర్నటక రాష్ట్రంలోని యశ్వంతపుర సుద్ధగుంటపాళ్య పోలీస్‌స్టేషన్‌ పరిధిలో జరిగింది.
సుద్దగుంటపాళ్యలో మహమ్మద్‌ షరిఫా, అప్సర్‌ఖాన్‌ దంపతులు నివాసం ఉంటున్నారు. రెండేళ్లుగా అప్సర్‌ఖాన్‌ తన బంధువు తస్లింభానుతో వివాహేతర సంబంధం కొనసాగిస్తున్నాడు. ఈ విషయమై భార్య పలుసార్లు మందలించింది. దీంతో భార్యను అడ్డు తొలగించాలని అప్సర్‌ఖాన్‌ సుపారి ఇచ్చాడు.
ఈ నెల 19న ఆమెను దుండగులు మారణాయుధాలతో హత్య చేశారు. సుద్ధగుంటపాళ్య పోలీసులు అప్పర్‌ఖాన్‌పై అనుమానంతో అదుపులోకి తీసుకొని విచారణ చేపట్టగా ప్రియురాలితో కలిసి భార్యను హత్య చేయించినట్లు వెలుగు చూసింది. ఈనెల 19న జరిగిన మహిళ హత్యకేసు మిస్టరీని పోలీసులు ఛేదించారు.
ఈ మేరకు తిలక్‌నగరకు చెందిన అప్సర్‌ఖాన్‌(41), అతడి ప్రియురాలు తస్సింభాను(29), వీరికి సహకరించిన తబ్రేజ్‌పాషా(26), సయ్యద్‌ వసీం(26), వెంకటేశ్‌(19), భరత్‌(18), యుగేంద్ర(19), చేతన్‌(19) ఇబ్రాహిం(19)లను పోలీసులు అరెస్ట్‌ చేశారు. మరో మైనర్‌ బాలుడిని కూడా అదుపులోకి తీసుకున్నారు.
