కోవిడ్ ప్రోటోకాల్ బ్రేక్ : కమల్ హాసన్‌కు చిక్కులు
విశ్వనటుడు, మక్కల్ నీది మయ్యం అధ్యక్షుడు కమల్ హాసన్ చిక్కుల్లోపడ్డారు. కోవిడ్ రూల్స్ బ్రేక్ చేసినందుకుగాను ఆయనకు తమిళనాడు ఆరోగ్య శాఖ నోటీసులు జారీచేయనుంది. కోవిడ్ రూల్స్ బ్రేక్ చేసినందుకు ఇవ్వరణ కోరనుంది.
ఇటీవల అమెరికాకు వెళ్లివచ్చిన కమల్ హాసన్ కోవిడ్ బారినపడ్డారు. దీంతో ఆయన చెన్నైలోని ఓ కార్పొరేట్ ఆస్పత్రిలో చేరి చికిత్స పొందారు. నవంబరు 22వ తేదీన ఆస్పత్రిలో చేరిన ఆయన ఈ నెల 4వ తేదీన ఆస్పత్రి నుంచి డిశ్చార్జ్ అయ్యారు.
అయితే, కరోనా వైరస్ నుంచి కోలుకున్న తర్వాత ఒక వ్యక్తి హోం క్వారంటైన్‌లో మరో వారం రోజుల పాటు ఉండాల్సివుంది. కానీ, కమల్ హాసన్ ఆ విధంగా చేయలేదు. ఆయన ఆస్పత్రి నుంచి డిశ్చార్జ్ కాగానే నేరుగా తాను హోస్ట్‌గా నిర్వహించే బిగ్ బాస్ సీజన్ 5 తమిళ షూటింగ్‌లో పాల్గొన్నారు. ఇదే ఇపుడు చిక్కులు తెచ్చిపెట్టింది.
దీనిపై తమిళనాడు రాష్ట్ర ఆరోగ్య శాఖ కార్యదర్శి డాక్టర్ జె.రాధాకృష్ణన్ స్పందించారు. కోవిడ్ ప్రోటోకాల్ బ్రేక్ చేసినందుకు కమల్ హాసన్ నుంచి వివరణ కోరుతామని, ఇదే అంశంపై ఆయనకు నోటీసు పంపించనున్నట్టు తెలిపారు.
