ఏడాది కుమార్తెతో కలిసి బావిలో దూకేసిన మహిళ.. ఎందుకంటే?
ఆధునికత పెరిగినా.. మహిళలపై జరుగుతున్న అకృత్యాలు మాత్రం తగ్గట్లేదు. ఒకవైపు అత్యాచారాలు, వేధింపులు... మరోవైపు గృహహింస.. వరకట్న వేధింపుల కారణంగా మహిళలు ఇబ్బందులు ఎదుర్కొంటారు.
తాజాగా మధ్యప్రదేశ్‌లోని ఉమారియా జిల్లాలో 26 ఏళ్ల మహిళ తన ఏడాది కుమార్తెతో కలిసి బావిలో దూకి మృతి చెందినట్లు పోలీసులు మంగళవారం తెలిపారు. ఈ సంఘటన ఇంద్వార్ పోలీస్ స్టేషన్ పరిధిలోని చాన్సురా గ్రామంలో సోమవారం చోటుచేసుకుంది.
తన భర్త, అత్తమామలు తనను వేధించారని మహిళ తల్లిదండ్రులు ఆరోపించగా, విచారణ తర్వాతే కారణం తెలుస్తుందని పోలీసులు తెలిపారు. 2017లో వివాహం చేసుకున్న శకున్ యాదవ్ సోమవారం తన మైనర్ కుమార్తెతో కలిసి గ్రామంలోని బావిలో దూకినట్లు ఇంద్వార్ పోలీస్ స్టేషన్ ఇన్‌ఛార్జ్ ఎస్‌ఎన్ ప్రజాపతి తెలిపారు.
తన భర్త, అత్తమామల వేధింపుల వల్లే ఈ దారుణానికి ఒడిగట్టిందని మహిళ తల్లిదండ్రులు ఆరోపించారు. విచారణ జరుగుతోందని, విచారణ తర్వాత కారణం తెలుస్తుందని పోలీసు అధికారి తెలిపారు.
