ఆంధ్రప్రదేశ్‌కు ప్రత్యేక హోదా.. ఢిల్లీలో వైఎస్ షర్మిల ధర్నా
ఆంధ్రప్రదేశ్‌కు ప్రత్యేక హోదా ఇవ్వాలని, రాష్ట్రానికి ప్రత్యేక హోదా ఇవ్వాలని కేంద్ర ప్రభుత్వాన్ని డిమాండ్ చేస్తూ ఏపీ కాంగ్రెస్ అధినేత్రి వైఎస్ షర్మిల గళం విప్పారు. ఈరోజు ఆమె ఢిల్లీలో ధర్నా చేయనున్నారు.
ధర్నాకు ముందు ఆమె విపక్ష నేతలతో సమావేశమై వివిధ పార్టీల నేతల మద్దతు కోరారు. నేషనలిస్ట్ కాంగ్రెస్ పార్టీ (ఎన్‌సీపీ) అధినేత శరద్ పవార్‌తో సమావేశమైన ఆమె, ఉదయం 10.30 గంటలకు డీఎంకే ఎంపీ తిరుచ్చి శివతో భేటీ అయ్యారు. మధ్యాహ్నం 12 గంటలకు సీపీఎం ప్రధాన కార్యదర్శి సీతారాం ఏచూరితో సమావేశమై ఆంధ్రప్రదేశ్‌కు ప్రత్యేక హోదా కోసం మద్దతివ్వాలని ఏపీసీసీ చీఫ్ అభ్యర్థించారు.
అనంతరం మధ్యాహ్నం 2 గంటలకు ఏపీ భవన్‌లో ధర్నా నిర్వహించనున్నారు. ధర్నాలో షర్మిలతోపాటు ఏపీ కాంగ్రెస్ నేతలు, శ్రేణులు పాల్గొననున్నారు. అనంతరం సాయంత్రం 4 గంటలకు కాంగ్రెస్ జాతీయ అధ్యక్షుడు మల్లికార్జున ఖర్గేతో సమావేశమై ఏపీలో తాజా రాజకీయ పరిస్థితులపై చర్చించనున్నారు.
