రణ్‌బీర్ కపూర్, అలియా భట్ పెళ్లి ఎప్పుడంటే?
బాలీవుడ్ స్టార్ హీరోహీరోయిన్లు రణ్‌బీర్ కపూర్, అలియా భట్ పెళ్లి గురించి బాలీవుడ్‌లో మళ్లీ చర్చలు మొదలయ్యాయి. రణ్‌బీర్, అలియా భట్‌లిద్దరూ 2017 నుంచి ప్రేమలో వున్నారని బాలీవుడ్ కోడై కూస్తోంది.
ఈ ఏడాది డిసెంబర్‌లో వీరిద్దరూ పెళ్లి పీటలు ఎక్కుబోతున్నారని తాజాగా మరోసారి వార్తలు గుప్పుమన్నాయి. రణ్‌బీర్ తల్లి నీతూ కపూర్ డ్యాన్స్ చేస్తున్న వీడియో ఒకటి తాజాగా బయటకు రావడంతో ఈ వార్తలు మొదలయ్యాయి. రణ్‌బీర్-ఆలియా పెళ్లికి సంబంధించిన కార్యక్రమం కోసమే నీతూ డ్యాన్స్ రిహార్సల్స్ చేస్తున్నారని జాతీయ మీడియాలో కథనాలు వచ్చాయి.
అయితే ఈ ఏడాది వీరి పెళ్లి ఉండదని సమాచారం. వచ్చే ఏడాది ద్వితాయర్థంలో వీరి పెళ్లి ఉండొచ్చని సమాచారం. ఈ ఏడాది పెళ్లి చేసుకోవాలనే ఆలోచన ఈ ఇద్దరికీ లేదట. రణ్‌బీర్ తండ్రి రిషీ కపూర్ ఈ ఏడాది ఏప్రిల్‌లో మరణించిన సంగతి తెలిసిందే.
కాగా.. అలియా భట్ రణ్‌బీర్ కుటుంబంతో బాగా క్లోజ్ అయిన సంగతి తెలిసిందే. ఈ ఏడాది ఏప్రిల్‌లో రిషి కపూర్ మరణించిన తర్వాత రణ్‌బీర్ కుటుంబానికి మద్దతుగా నిలిచింది. ఇకపోతే.. రణబీర్, అలియా తొలి చిత్రం బ్రహ్మాస్త్రా డిసెంబర్ 4న విడుదల కానుంది.
అయినప్పటికీ, కరోనా వైరస్ మహమ్మారి కారణంగా ఈ సినిమా వాయిదా పడే అవకాశం వుంది. అలాగే అలియా మరో సినిమాలోనూ నటిస్తోంది. సంజయ్ లీలా భన్సాలీ క్రైమ్ డ్రామా గంగూబాయిలో అలియా భట్ నటిస్తోంది. ఈ సినిమా షూటింగ్ శరవేగంగా జరుగుతోంది. ఇందులో అలియా భట్ మాఫియా రాణిగా నటించింది.
