ఆదివారం, 5 ఫిబ్రవరి 2023
  1. వినోదం
  2. తెలుగు సినిమా
  3. కథనాలు
Written By సెల్వి
Last Updated: శనివారం, 1 అక్టోబరు 2022 (10:06 IST)

జక్కన్న అంటే ఇష్టం.. ఆయన డైరెక్షన్‌లో నటించాలని లేదు.. చిరంజీవి

chiranjeevi
మెగాస్టార్ చిరంజీవి రాజమౌళి కాంబినేషన్‌లో సినిమా అంటూ గతంలో అనేక వార్తలు ప్రచారంలోకి వచ్చాయనే సంగతి తెలిసిందే. రాజమౌళి ఇప్పటికే పలువురు హీరోలతో సినిమాలను తెరకెక్కించినా సీనియర్ హీరోలతో సినిమాలను తెరకెక్కించడానికి పెద్దగా ఆసక్తి చూపలేదు. అయితే గాడ్ ఫాదర్ సినిమా ప్రమోషన్స్‌లో చిరంజీవి మాట్లాడుతూ ఈ వ్యాఖ్యలు చేశారు.
 
స్టార్ డైరెక్టర్ రాజమౌళి అంటే నాకు చాలా ఇష్టమని చిరంజీవి తెలిపారు. జక్కన్న అంటే ఇష్టం ఉన్నా ఆయన డైరెక్షన్‌లో నటించాలని లేదని చిరంజీవి చెప్పుకొచ్చారు. రాజమౌళి గ్రేట్ డైరెక్టర్ అని ప్రపంచానికి భారతీయ సినీ ఇండస్ట్రీ ఖ్యాతిని తెలిపారని చిరంజీవి అన్నారు. 
 
జక్కన్న ప్రతి విషయాన్ని లోతుగా చూస్తారని చిరంజీవి చెప్పుకొచ్చారు. రాజమౌళి కోరుకునే ఔట్ పుట్‌ను నటుడిగా నేను ఇస్తానో లేదో చెప్పలేనని ఆయన కామెంట్లు చేశారు.
 
రాజమౌళి ఒక్కో సినిమాను తెరకెక్కించడానికి మూడు నుంచి ఐదేళ్ల పాటు శ్రమిస్తారని నేను ప్రస్తుతం ఒకే సమయంలో నాలుగు సినిమాలలో నటిస్తున్నానని రాజమౌళి డైరెక్షన్‌లో నటించి పాన్ ఇండియా హీరోగా గుర్తింపును సొంతం చేసుకోవాలని నాకు లేదని ఆయన కామెంట్లు చేశారు. 
 
నా టాలెంట్‌కు నా కొడుకు రామ్ చరణ్ కొనసాగింపు అని చిరంజీవి వెల్లడించడం గమనార్హం. చిరంజీవి నటించిన గాడ్ ఫాదర్ సినిమా మరో మూడు రోజుల్లో థియేటర్లలో రిలీజ్ కానుంది.