Bigg Boss 4: ఆఖరికి కళ్యాణ్ కృష్ణకి ఆ ఛాన్స్ ఇచ్చారా..?

Bigg Boss 4
శ్రీ| Last Modified శనివారం, 1 ఆగస్టు 2020 (14:04 IST)
టాలీవుడ్ కింగ్ నాగార్జునతో సోగ్గాడే చిన్ని నాయనా దర్శకుడు బంగార్రాజు అనే సినిమా చేయనున్నాడని.. గత కొంతకాలంగా వార్తలు వస్తూనే ఉన్నాయి కానీ... ఇప్పటివరకు బంగార్రాజు గురించి ఎలాంటి ఎనౌన్స్‌మెంట్ రాలేదు. దీంతో అసలు బంగార్రాజు ఉందా..? లేదా..? అనేది ఆసక్తిగా మారింది.

ఇప్పుడు నాగార్జున వైల్డ్ డాగ్ తర్వాత ప్రవీణ్ సత్తారు దర్శకత్వంలో భారీ యాక్షన్ ఎంటర్టైనర్ చేయనున్నారు. ఇటీవలే ఈ సినిమా గురించి అఫిషియల్‌గా ఎనౌన్స్ చేయడం కూడా జరిగింది.
దీంతో కళ్యాణ్ కృష్ణతో బంగార్రాజు లేదు అంటూ వార్తలు వస్తున్నాయి. ఇదిలా ఉంటే.. నాగార్జున చాలా రోజుల తర్వాత మేకప్ వేసుకున్నారు.

ఇంతకీ దేని కోసం అంటే...సీజన్ ప్రొమో కోసం. అన్నపూర్ణ స్టూడియోలో షూటింగ్ చేసారు. ఈ ప్రొమోకి డైరెక్టర్ కళ్యాణ్ కృష్ణ దర్శకత్వం వహించారు. త్వరలోనే ఈ ప్రొమోను రిలీజ్ చేయనున్నారు. ఈ వార్త బయటకు వచ్చినప్పటి నుంచి ఆఖరికి కళ్యాన్‌ కృష్ణకు బిగ్ బాస్ 4 ప్రొమోని డైరెక్ట్ చేసే ఛాన్స్ ఇచ్చారన్నమాట అంటున్నారు. మరి.. బంగార్రాజు మూవీని డైరెక్ట్ చేసే ఛాన్స్ ఇంకెప్పుడు ఇస్తారో చూడాలి.



దీనిపై మరింత చదవండి :