Aditi : రాజమౌళి, రామ్ చరణ్ కి బిగ్ ఫ్యాన్; ఛాలెంజింగ్ క్యారెక్టర్స్ అంటే ఇష్టం : అదితి శంకర్
నేను తమిళ్ లో చేసిన తొలి సినిమాని డైరెక్టర్ విజయ్ చూశారు. భైరవంలో క్యారెక్టర్ కు నేనైతే యాప్ట్ గా ఉంటుందని భావించారు. ఆయన కాల్ చేసి ఈ ప్రాజెక్టు గురించి చెప్పారు. అలా ఈ ప్రాజెక్టులోకి రావడం జరిగింది. లాంగ్వేజ్ పరంగా ఒక బ్యారియర్ ఉంటుందని ముందుగా భావించాను. అయితే మా డైరెక్టర్, రైటర్ సత్య చాలా హెల్ప్ చేశారు. వారి హెల్ప్ తో ఈ జర్నీ చాలా స్మూత్ గా జరిగింది అని హీరోయిన్ అదితి శంకర్ అన్నారు.
బెల్లంకొండ సాయి శ్రీనివాస్, మనోజ్ మంచు, నారా రోహిత్ హీరోలుగా నటిస్తున్న భైరవంలో నాయికగా నటించారు. విజయ్ కనకమేడల దర్శకత్వంలో కె.కె. రాధామోహన్ , డా. జయంతిలాల్ గడా నిర్మించారు. ఆనంది, దివ్యా పిళ్ళై కూడా నటించారు. మే 30న థియేటర్లలో విడుదల కానుంది. ఈ సందర్భంగా హీరోయిన్ అదితి శంకర్ విలేకరుల సమావేశంలో సినిమా విశేషాల్ని పంచుకున్నారు.
-ఇందులో బోల్డ్ అండ్ హానెస్ట్, అదే సమయంలో బబ్లీగా ఉండే క్యారెక్టర్ లో కనిపిస్తాను. ఇది నా ఒరిజినల్ క్యారెక్టర్ కి దగ్గరగానే ఉంటుంది.
-మా నాన్నగారితో కలిసి రామోజీ ఫిలిం సిటీ, తెలుగు రాష్ట్రాల్లో షూటింగులకి వచ్చేదాన్ని. ఇప్పుడు నా సొంత సినిమాకి ఇక్కడికి వచ్చి షూటింగ్ చేయడం ఒక డ్రీం కం ట్రూ మూమెంట్. నాకు తెలుగులో వర్క్ చేయాలని ఎప్పటినుంచో ఉండేది. ఇలాంటి మంచి సినిమాతో తెలుగు ప్రేక్షకులకు ముందుకు రావడం చాలా ఆనందం ఇచ్చింది.
-కథ, అందులో నా క్యారెక్టర్ బాగుంటే కచ్చితంగా చేస్తాను
-రియల్లీ ఇది నైస్ ఛాలెంజ్. నాన్నగారి ఇమేజ్ ని ఒక గౌరవంగానే భావిస్తాను కానీ అది ఎప్పుడూ ఒత్తిడిగా తీసుకోను.
- ఇది మల్టీ స్టార్ సినిమా. మనోజ్ గారు నాకు తెలుసు. ఆయన నన్ను సెట్ లో చూసి ఇక్కడ ఏం చేస్తున్నావ్ అని అడిగారు. తర్వాత ఈ సినిమాలోని నటిస్తున్నానని చెప్పాను. అది రియల్లీ ఫన్ మూమెంట్. సాంగ్ సూట్ సమయంలో ఫస్ట్ టైం సాయి గారిని కలిసాను. ఆయన చాలా డౌన్ టు ఎర్త్ పర్సన్ కి రోహిత్ గారు కూడా చాలా నైస్ పర్సన్. ఈ ముగ్గురికి తమిళ్ మాట్లాడడం తెలుసు. సో ఈ జర్నీ చాలా కంఫర్టబుల్గా జరిగింది. ముగ్గురు అద్భుతంగా పెర్ఫాం చేశారు
- శ్రీ చరణ్ అద్భుతమైన మ్యూజిక్ ఇచ్చారు. నాకు డ్యాన్స్ చాలా ఇష్టం. ఇందులో రెండు డాన్సింగ్ నెంబర్స్ ఉన్నాయి. ఆ రెండు కూడా నాకు వెరీ ఫేవరెట్.
తెలుగు సినిమాలు చూస్తాను. నా ఫేవరెట్ మూవీ మగధీర. ఎందుకంటే నేను ఫస్ట్ థియేటర్లో చూసిన తెలుగు సినిమా అది. అలా రాజమౌళి గారికి రామ్ చరణ్ గారికి నేను బిగ్ ఫ్యాన్ గా మారిపోయాను.
- మా నాన్నగారికి నేను చేస్తున్న సినిమాలు, వాటికి సంబంధించిన కథలు ఏమీ తెలియదు. మా అమ్మగారికి ప్రతిదీ చెప్తుంటాను. మా నాన్నగారు ఆయన సినిమాలతో ఆయన బిజీగా ఉంటారు. అలాగే ఆయన సినిమాలకు సంబంధించిన విశేషాలు కూడా ఏమి చెప్పరు. ఆయన సినిమాని ఒక పసిపాప లాగా జాగ్రత్తగా చూసుకుంటారు.
- నాకూ డ్రీమ్ రోల్స్ వున్నాయి. హిస్టారికల్, పిరియాడిక్ సినిమాలు చేయాలని ఉంది. అలాగే ఛాలెంజింగ్ విమెన్ క్యారెక్టర్స్ చేయాలని వుంది.
