ప్ర‌భాస్ స‌ర‌స‌న బాలీవుడ్ హీరోయిన్‌!
ప్ర‌స్తుతం ప్ర‌భాస్ నాలుగు సినిమాలు చేస్తున్నాడు. అన్నీ సెట్‌లో ర‌న్నింగ్‌లో వున్నాయి. తాజాగా నాగ్ అశ్విన్ సినిమా షూటింగ్ ఏక‌ధాటిగా యాక్షన్ ఎపిసోడ్స్ చిత్రీక‌రిస్తున్నారు. ప్రాజెక్ట్ కె. సినిమాగా దాని పేరు పెట్టారు. ఇందులో సీతారామ‌శాస్త్రి ఐదు పాట‌ల‌ను రాయాల్సివుంది. దాని గురించి అశ్వ‌నీద‌త్‌తోనూ చ‌ర్చించారు. ఫైన‌ల్ గా పాట‌లు రాసే టైంలో ఆయ‌న‌ప‌ర‌మ‌ప‌దించారు. ఇదిలావుండ‌గా, ఈ సినిమా తర్వాత అర్జున్ రెడ్డి ద‌ర్శ‌కుడు సందీప్ వంగా ద‌ర్శ‌క‌త్వంలో ప్ర‌భాస్ న‌టిస్తున్నారు. దీనికి సంబంధించిన అన్ని ప‌నులు పూర్త‌య్యాయి.
పాన్ ఇండియా సినిమా కాబ‌ట్టి ఇందులో ప్ర‌భాస్ ప‌క్క‌న హీరోయిన్‌గా ప‌లువురు పేర్లు ప‌రిశీల‌న‌లో వున్నాయి. ఫైన‌ల్‌గా కరీనా కపూర్ పేరు చిత్ర యూనిట్ ప‌రిశీలిస్తోంది. ఇందుకు సంబంధించిన చ‌ర్చ‌లు జ‌రుగుతున్నాయ‌ని తెలుస్తోంది. త్వ‌ర‌లో ఈ విష‌య‌మై క్లారిటీ ఇవ్వ‌నున్నారు. ఈ సినిమా పూర్తి యాక్షన్ డ్రామాగా తెర‌కెక్కిస్తున్నారు. అయితే ప్ర‌స్తుతం కరీనా కపూర్ అమెజాన్‌ ప్రైమ్ వీడియో కోసం తన తొలి వెబ్ సిరీస్ షూటింగ్‌లో ఉన్నారు. అది పూర్త‌య్యాక ఆమె డేట్స్ ఇవ్వ‌నున్న‌ట్లు స‌మాచారం.
