ప్రియాంకా చోప్రా విడాకులపై క్లారిటీ! (video)
బాలీవుడ్ నటి ప్రియాంకా చోప్రా విడాకులపై ఓ క్లారిటీ వచ్చింది. ప్రియాంకా చోప్రా తన సోషల్ మీడియా ఖాతాల నుంచి తన భర్త జొనాస్ పేరును తొలగించింది. దీంతో ఈమె కూడా టాలీవుడ్ హీరోయిన్ సమంత తరహాలో విడాకులు తీసుకోనున్న వార్తలు చక్కర్లు కొట్టాయి. ఇపుడు ఈ వార్తలు ట్రెండింగ్‌లో ఉన్నాయి.
ఈ పుకార్లపై ప్రియాంకా సన్నిహితురాలు స్పందించారు. ప్రియాంకా - నిక్ జొనాస్‌లు విడాకులు తీసుకున్నారనే వార్తలు సోషల్ మీడియాలో గుప్పుమంటున్నాయి. కానీ, ఈ వార్తల్లో ఏమాత్రం నిజం లేదు. భవిష్యత్‌ ప్రాజెక్టుల కోసమే అతని పేరుతో పాటు తన పేరులోని చోప్రా ప్రాజెక్టును కూడా తొలగించారంటూ వివరణ ఇచ్చారు. దీంతో ప్రియాంకా ఫ్యాన్స్ ఊపిరి పీల్చుకున్నారు.
