దేవర తుఫాను 100 రోజుల్లో రాబోతోంది
ఎన్టీఆర్ హీరోగా దర్శకుడు కొరటాల శివ కాంబినేషన్ లో తెరకెక్కిస్తున్న భారీ పాన్ ఇండియా చిత్రం “దేవర” నుంచి తాజా అప్ డేట్ నేడు వచ్చింది. ఇది దేవర నామసంవత్సరం. దేవర తుఫాను 100 రోజుల్లో రాబోతోంది అంటూ చిన్న గ్లింప్స్ కూడా విడుదల చేస్తూ, గతంలో ఎన్టీఆర్ దేవర గురించి ఓ ఫంక్షన్ లో చెప్పిన డైలాగ్ లను విడుదల చేశారు.
నేనుచొక్కా వేసుకున్నా. చొక్కాకు కాలర్ వుంటుంది. ఆ కాలర్ ఎగరేసేలా సినిమా వుంటుంది అంటూ చెప్పిన ఆ డైలాగ్ ను జోడించారు. 100 రోజుల్లో దేవర పాలన ప్రారంభం. విధ్వంసానికి సిద్ధంగా ఉండండి అంటూ వెల్లడించిన మాటలను బట్టి ఈ సినిమా కత్తులు, కఠారులతో రక్తపాతం ఏరులై పారబోతున్నట్లు అర్థమవుతుంది.
ఇదిలా వుండగా, తెలుగు రాష్ట్రాల్లో దేవర కి భారీ ధరలు పలుకుతున్నాయి. ఒక్క కోస్తాంధ్ర బిజినెస్ ఒకటే 55 కోట్ల పైమాటే అని వార్తలు వినిపిస్తున్నాయి. జాన్వీ కపూర్ హీరోయిన్ గా నటిస్తుండగా అనిరుద్ సంగీతం అందించారు.
