క‌ళ్యాణ్ రామ్.. ఏమో ఏమో ఏ గుండెల్లో.. పాట ఎలా ఉంది..? (video)
శ‌త‌మానంభ‌వ‌తి అనే బంధాలు, అనుబంధాలు ప్రాముఖ్య‌త‌ను తెలియ‌చేసిన చిత్రాన్ని తెర‌కెక్కించిన సెన్సిబుల్ డైరెక్ట‌ర్ స‌తీష్ వేగేశ్న. నంద‌మూరి క‌ళ్యాణ్ రామ్ తో స‌తీష్ వేగేశ్న తెర‌కెక్కిస్తోన్న చిత్రం ఎంత మంచి వాడ‌వురా. క‌ళ్యాణ్ రామ్, మెహ్రీన్ జంట‌గా న‌టిస్తున్న ఈ సినిమాని ఉమేష్ గుప్త, సుభాష్ గుప్త సంయుక్తంగా నిర్మిస్తున్నారు.
సంక్రాంతి కానుక‌గా ఈ సినిమా జ‌న‌వ‌రి 15న ఈ సినిమా రిలీజ్ కానుంది. ఈ సందర్భంగా ఈ చిత్రంలోని మొద‌టి పాట‌ను ఈ రోజు రిలీజ్ చేసారు. ఏమో ఏమో ఏ గుండెల్లో ఏ బాధ ఉందో... అంటూ సాగే ఈ పాట‌ను ప్ర‌ఖ్యాత గాయ‌కుడు ఎస్పీ బాల‌సుబ్ర‌మ‌ణ్యం ఆల‌పించారు.
గోపీ సుంద‌ర్ సంగీతం అందించారు.
రామ‌జోగ‌య్య శాస్త్రి రాసిన ఈ పాట విన్న వెంట‌నే న‌చ్చేట్టు ఉంది. సాటి మనిషిని ప్రేమించాలి.. వాళ్ల బాధ‌ను అర్ధం చేసుకోవాలి.. క‌ష్టాల్లో ఉన్న వారికి మ‌నోధైర్యాన్ని ఇవ్వాలి అని చెప్పే ఈ ప్ర‌తి ఒక్క‌రికీ న‌చ్చుతుంది అన‌డంలో సందేహం లేదు. ఈ పాట‌కు మంచి స్పంద‌న లభిస్తుంది. ఖ‌చ్చితంగా శ‌త‌మానంభ‌వ‌తి సినిమా వ‌లే ఈ సినిమా కూడా అంద‌ర్నీ ఆక‌ట్టుకుని మంచి విజయం సాధిస్తుంద‌ని ఆశిద్దాం.
