ప్రతి తల్లి తన దృష్టిలో ఓ కన్నప్ప : మోహన్ బాబు
మంచు ఫ్యామిలీ నుంచి వస్తున్న చిత్రం కన్నప్ప విడుదలకు సిద్ధమైంది. రకరకాల ప్రమోషన్లు మాగ్జిమమ్ చేస్తున్నారు. అమెరికాకు కూడా వెళ్లి అక్కడ పబ్లిసిటీ చేశారు. ఒకవైపు ఇంత ప్రచారం చేస్తుంటే మరోవైపు కన్నప్పకు చెందిన హార్డ్ డిస్క్ పోయిందనే వార్త కూడా వచ్చింది. అది మంచు మనోజ్ కు చెందిన వారిపనేఅంటూ విష్ణు ప్రకటించాడు. ఇంకోవైపు కన్నప్ప అనేది మంచు విష్ణు కెరీర్ లో మైలురాయిగా మోహన్ బాబు స్టేట్ మెంట్లు ఇచ్చారు. ఇంతచేసినా ఈ సినిమాపై ఎందుకనో హైప్ రాలేదనే టాక్ నెలకొంది.
దర్శకుడు ముఖేష్ కుమార్ సింగ్ ఈ చిత్రాన్ని డైరెక్ట్ చేయగా హీరో విష్ణు మంచు ఈ సినిమాలో కన్నప్పగా కనిపిస్తాడు. ఇక ఈ సినిమాను కలెక్షన్ కింగ్ డా.మోహన్ బాబు భారీ బడ్జెట్‌తో ప్రొడ్యూస్ చేశారు. అయితే, ఈ చిత్ర ప్రమోషన్స్‌ను చిత్ర యూనిట్ గ్రాండ్‌గా చేస్తున్నారు. ఈ క్రమంలోనే తన కన్నప్ప కథను మోహన్ బాబు రివీల్ చేశారు.
తన కళ్లను శివుడికి ఇచ్చి తిన్నడు ‘కన్నప్ప’గా చరిత్రలో నిలిచిపోయాడు. తనకు మాత్రం తన తల్లిదండ్రులు నిజమైన కన్నప్పగా మోహన్ బాబు అభివర్ణించారు. తన బిడ్డల ఆకలి తెలుసుకుని తీర్చే ప్రతి తల్లి తన దృష్టిలో ఓ కన్నప్ప అని మోహన్ బాబు అన్నారు. ఇక తన తల్లి లక్ష్మమ్మ పుట్టుకతో రెండు చెవులు వినించవని.. ఆమెకు ఐదు మంది సంతానం అని.. తమ ఊరికి వెళ్లాలంటే బస్సు దిగి 7 కిలోమీటర్లు నడవాల్సి వచ్చేదని.. తన ఐదు మంది సంతానంను ఎత్తుకుని ఆమె తమ ఊరికి తీసుకెళ్లేందుకు ఎంతో కష్టపడేదని తెలియజేశారు. సోషల్ మీడియా దీనిపై పాజిటివ్ లుక్ కనిపిస్తోంది.
