'సరిలేరు నీకెవ్వరు' 8 రోజుల వరల్డ్ వైడ్ కలెక్షన్స్ ఎంతో తెలుసా?
టాలీవుడ్ ప్రిన్స్ మహేష్ బాబు - అనిల్ రావిపూడి కాంబినేషన్‌లో వచ్చిన తాజా చిత్రం సరిలేరు నీకెవ్వరు. రష్మిక మందన్నా హీరోయిన్ కాగా, సీనియర్ నటి విజయశాంతి అత్యంత కీలక పాత్రను పోషించింది. ప్రకాష్ రాజ్, రాజేంద్ర ప్రసాద్‌ వంటి మరికొంతమంది నటీనటులు నటించారు. ఈ సంక్రాంతి జనవరి 10వ తేదీన ప్రేక్షకుల ముందుకు వచ్చింది. అయితే, ఈ చిత్రం సూపర్ హిట్ టాక్‌తో కాసుల వర్షం కురిపిస్తున్నారు.
ఈ నేపథ్యంలో గత ఎనిమిది రోజుల్లో ప్రపంచ వ్యాప్తంగా వసూలైన కలెక్షన్ల వివరాలు ఇలా వున్నాయి. నిజాంలో రూ.29.8 కోట్లు, సీడెడ్ రూ.13.25 కోట్లు, యునైటెడ్ స్టేట్స్ ఆఫ్ అమెరికా రూ.14.9 కోట్లు, గుంటూరు రూ.8.51 కోట్లు, ఈస్ట్ రూ.9.04 కోట్లు, వెస్ట్ రూ.6.02 కోట్లు, కృష్ణా రూ.7.34 కోట్లు, నెల్లూరు రూ.3.32 కోట్లు, కర్నాటక రూ.7 కోట్లు, తమిళనాడు రూ.కోటి, రెస్ట్ ఆఫ్ ఇండియా రూ.1.5 కోట్లు, యూఎస్ఏ రూ.7.85 కోట్లు, రెస్ట్ ఆఫ్ వరల్డ్ రూ.2.5 కోట్లు చొప్పున మొత్తం రూ.112.3 కోట్ల షేర్‌ వసూలు చేసింది.
