బిగ్‌బాస్ హౌస్‌కు రకుల్ ప్రీత్ సింగ్... ఎందుకంటే...
ప్రముఖ టీవీ చానెల్‌లో ప్రసారమవుతున్న రియాల్టీ షో "బిగ్‌బాస్-3". టావీవుడ్ సీనియర్ నేత అక్కినేని నాగార్జున ప్రధాన హోస్ట్‌గా వ్యవహరిస్తున్న ఈ రియాల్టీ షో గత నెలలో ప్రారంభమైన విజయవంతంగా ప్రసారమవుతోంది. ఈ నేపథ్యంలో టాలీవుడ్ హీరోయిన్ రకుల్ ప్రీత్ సింగ్ ఈ 'బిగ్‌బాస్ హౌస్‌'లోకి అడుగుపెట్టనుంది. అయితే కంటెస్టెంట్‌గా మాత్రం కాదండోయ్... ఓ చిత్రం ప్రమోషన కార్యక్రమంలో భాగంగా ఆమె ఈ హౌస్‌లోకి అడుగుపెట్టనుంది.
అక్కినేని నాగార్జున - రకుల్ ప్రీత్ జంటగా నటించిన తాజా చిత్రం "మన్మథుడు-2". గతంలో వచ్చిన 'మన్మథుడు'కు ఈ చిత్రం సీక్వెల్. ఈ చిత్రం ఈ నెల 9వ తేదీన ప్రేక్షకుల ముందుకురానుంది.
ఈ నేపథ్యంలో చిత్రం ప్రమోషన్ కార్యక్రమాలు జోరుగా సాగుతున్నాయి. ఇందులోభాగంగా, బిగ్ బాస్‌ హౌస్‌లోకి రకుల్ ప్రీత్ సింగ్ ఎంట్రీ ఇచ్చి సందడి చేయనున్నట్టు సమాచారం. ఆమెతో పాటు.. చిత్ర దర్శకుడు రాహుల్ రవీంద్రన్ కూడా ప్రవేశించనున్నారు.
