శుక్రవారం, 1 మార్చి 2024
  1. వినోదం
  2. తెలుగు సినిమా
  3. కథనాలు
Written By డీవీ
Last Updated : మంగళవారం, 18 జనవరి 2022 (22:53 IST)

ఐశ్వ‌ర్య, ధ‌నుష్‌ల విడాకులు అబద్దం అంటున్న టాలీవుడ్ జనం (video)

Aishwarya and Dhanush
ఇప్పుడు త‌మిళ సూప‌ర్ స్టార్ ర‌జ‌నీకాంత్ కుమార్తె ఐశ్వ‌ర్య, అల్లుడు ధ‌నుష్ గురించి హాట్ టాపిక్‌గా మారింది. ఈరోజే ఉద‌య‌మే ట్విట్ట‌ర్ ఐశ్వ‌ర్య పేరుతో తాము నేటికి 18 ఏళ్ళ క్రిత‌మే స్నేహితుడిగా జీవిత భాగ‌స్వామ్యం కావ‌డానికి అంకురార్ప‌ణ జ‌రిగిందంటూ ఓ పోస్ట్ వ‌చ్చింది. ఆ  త‌ర్వాత దీనిపై ప‌లుర‌కాలుగా ప‌లువురు స్పందించారు. ధ‌నుష్ ఇన‌స్ట్రాలో, ఐశ్వ‌ర్య ట్విట్ట‌ర్‌లో త‌మ వైవాహిక జీవితం ముగిసింద‌నీ, ఇష్ట పూర్వ‌కంగా తాము విడిపోతున్నామంటూ మీ ఆశీర్వాదాలు కావాలంటూ పోస్ట్ చేశారు. 
 
అయితే ఇందులో నిజ‌మెంత అనేది ఇంకా తెలియాల్సివుంది. ఇటీవ‌లే నాగ‌చైత‌న్య‌, స‌మంతలు కూడా ఇలాగే సోష‌ల్ మీడియాలో పోస్ట్ చేసి చేతులు దులుపుకున్నారు. ఇక ఇలా వుంటే, ధ‌నుష్‌, ఐశ్వ‌ర్య‌ల విష‌య‌మై గ‌త కొంత‌కాలంగా విబేదాలు వున్నాయ‌నే వార్త‌లు వినిపిస్తున్నాయి.

 
అయితే దీనిపై ఫిలింఛాంబ‌ర్ ఆఫ్ కామ‌ర్స్ హైద‌రాబాద్‌కు చెందిన ప్ర‌ముఖులు ఖండిస్తున్నారు. సూప‌ర్ స్టార్ ఫ్యామిలీకి చెందిన కుటుంబం ఇలా చేయ‌ద‌నీ, వారు విడిపోతే అంద‌రికీ తెలిసేలా చేస్తార‌ని పేర్కొన్నారు. ర‌జ‌నీకాంత్‌ను ఐకాన్ తీసుకున్న ధ‌నుష్ తొంద‌ర‌ప‌డి ఇలాంటి నిర్ణ‌యం తీసుకోర‌ని ఛాంబ‌ర్ కార్య‌ద‌ర్శి ప్ర‌స‌న్న కుమార్ తెలియ‌జేస్తున్నారు. ప్ర‌తి కుటుంబ‌లో గొడ‌వ‌లు మామూలేన‌నీ, సెల్ర‌బిటీలు క‌నుక సోష‌ల్‌మీడియాలో వ‌చ్చినదానిలో ఎంత నిజ‌మో తెలియ‌దని, త్వ‌ర‌లో వారు అధికారికంగా ప్ర‌క‌టిస్తేనే దీనిపై మాట్లాడాల‌ని హిత‌వు ప‌లుకుతున్నారు. చూద్దాం ముందుముందు ఏం జ‌రుగుతుందో..?