నాల్గవ పెళ్లి గురించి క్లారిటీ ఇచ్చిన వనితా విజయ్కుమార్ (video)
న‌టుడు విజయ్కుమార్ కుమార్తె వనితా తన వైవాహిక జీవితంలో చేదు అనుభ‌వాన్ని చ‌విచూసింది. ఇప్ప‌టికే మూడు వివాహాలు చేసుకున్న ఆమె ముగ్డురికీ విడాకులు ఇచ్చింది. ఇక త్వ‌ర‌లో ఆమె నాల్గవ పెళ్లి చేసుకోబోతున్న‌ట్లు వార్తలు కోలీవుడ్‌లో వినిప్పిస్తున్నాయి. దీనిపై ఆమె మండిప‌డ్డారు. తాజాగా ఓ ఆంగ్ల ప‌త్రిక‌కు ఇచ్చిన ఇంట‌ర్వ్యూలో ఆమె ఈ విధంగా స్పందించారు.
నేను సింగిల్‌గానే వున్నాను. మీరేం ఆందోళ‌న ప‌డ‌వ‌ద్దు. ద‌య‌చేసి అస‌త్య‌వార్త‌ల‌ను ప్ర‌చారం చేయ‌కండి అంటూ హిత‌వు ప‌లికారు. ప్ర‌పంచంలో ఎన్నో స‌మ‌స్య‌లు వున్నాయి. అంద‌రికీ ఏదో ఒక సమస్య వుంటూనే వుంటుంది. అయితే నా జీవితం ఎవ‌రికీ స‌మ‌స్య‌కాదు. ద‌య‌చేసి స‌మాజంలో వ‌స్తున్న స‌మ‌స్య‌ల గురించి ఆలోచించండి.
నా జీవితం గురించి మీరు బాధ‌ప‌డ‌వ‌ద్దు. మీ స‌మ‌స్య‌ల‌కు ప‌రిష్కారం వెతుక్కోండి అంటూ ఘాటుగానే స‌మాధాన‌మిచ్చారు.తెలుగులో దేవి అనే సినిమాలో న‌టించిన ఆమె తమిళ సినిమాల్లోనే ఎక్కువ‌గా న‌టించారు. స్టార్స్ డే అవుట్ తోపాటు ప‌లు టీవీషోల‌కు హోస్ట్‌గా వ్య‌వ‌హ‌రించారు.
