అల్లు అర్జున్ కు దగ్గరగా వస్తున్న విజయ్ దేవరకొండ ఫాలోవర్స్
ఇన్ స్ట్రా లో 20 మిలియన్ ఫాలోవర్స్ కు చేరుకున్నట్లు విజయ్ దేవరకొండ-కొద్దిసేపటి క్రితమే సోషల్ మీడియా వేదికగా ఆనందాన్ని పంచుకున్నాడు. గీతా గోవిందం తర్వాత పెద్దగా హిట్ లేని విజయ్ దేవరకొండకు ఇంత ఫాలోయింగ్ రావడం విశేషమే. ప్రస్తుతం అల్లు అర్జున్ ఫాలోవర్స్ 22.9 మిలియన్లు అంటే 23 దాకా చేరుకున్నారు. పుష్ప తర్వాత ఫాలోయింగ్ ఒక్కసారిగా పెరిగింది. ఇక ఇప్పుడు పుష్ప2 షూటింగ్ జరుగుతోంది.
ఇక విజయ్ దేవరకొండ విషయంలో అలా లేదు. తాజాగా విజయ్ దేవరకొండ,సమంత జంటగా నటించిన ఖుషి చిత్రం మిక్స్ డ్ టాక్ తో నిర్మాతకు లాభాలు తెచ్చిపెట్టలేకపోయింది. ఇంతకు ముందు లైగర్, వరల్డ్ ఫేమస్ లవర్ చిత్రాలు ఘోరపరాజయం పొందాయి. అయినా తన అభిమానులకు సేవా కార్యక్రమాల రూపంలో కోటి రూపాయలు అందజేశారు. కానీ డిస్ట్రిబ్యూటర్లకు నష్టాలు వస్తే పట్టించుకోలేదని టాక్ వుంది.
ఇక లేటెస్ట్ గా నిర్మాత దిల్ రాజు ఫ్యామిలీ స్టార్ అనే సినిమాను విజయ్ తో నిర్మిస్తున్నారు. ఇటీవలే సినిమాకు సంబంధించిన అప్ డేట్ కూడా వచ్చింది. ఈ సినిమాపై అటు నిర్మాత, హీరో కూడా విశ్వాసంతో వున్నారు. అభిమానులు కూడా ఆయన సక్సెస్ కోసం ఎదురుచూస్తున్నారు.
