ఉసిరి కాయను ఎవరు తినకూడదు...
ఔషధ గుణాలకు నెలవు ఉసిరి. అయితే.. దీన్ని తీసుకున్నప్పుడు మంచి ఫలితాలు కలిగినప్పటికీ కొంతమంది మాత్రం అస్సలు వాడకూడదని ఆయుర్వేదం చెబుతున్నది.
* ఉసిరిలో విటమిన్ సి అధికం. దీన్ని ఎక్కువగా తీసుకుంటే ఆమ్ల ప్రభావం కారణంగా అసిడిటీ వంటి సమస్యలు రావొచ్చు. దీనివల్ల మూత్రంలో మంట, డీహైడ్రేషన్ వంటి ఇబ్బందులు కలుగుతాయి.
* మధుమేహం, రక్తపోటు ఉన్నవారు, రక్తం గడ్డ కట్టేందుకు మందులు వాడేవారు ఉసిరికి దూరంగా ఉండాలి. గుండె జబ్బులు ఉన్నవారు డాక్టర్ల సలహా మేరకు మాత్రమే వీటిని తినొచ్చు.
* డయేరియా, వికారం, తిమ్మిర్లు, నోటి దురద, తలనొప్పి ఉన్నవారు ఉసిరిని తీసుకోకూడదు. లేదంటే ఆ లక్షణాలు ఇంకా అధికం కావొచ్చు.
* శస్త్ర చికిత్సలు చేయించుకున్న వారు ఉసిరిని తీసుకుంటే వారిలో రక్తస్రావం అధికంగా జరిగే ప్రమాదం ఉంది. ఇలాంటివారు చికిత్స అనంతరం కనీసం రెండు వారాల వరకు ఉసిరి జోలికి వెళ్లకపోవడం మంచిది.
* శరీరాన్ని చల్లబరిచే గుణం ఉసిరికి ఉంది. దగ్గు, జలుబు ఉన్నవారు వీటిని తినడం వల్ల ఇవి మరింత ఎక్కువ అయ్యే అవకాశం ఉంటుంది.
* గర్భిణీ స్త్రీలు, నవజాత శిశువులకు ఉసిరిని ఇవ్వకపోవడమే మంచిది. లేదంటే వారిలో అతిసారం, కడుపు నొప్పి, వాంతులు వంటి లక్షణాలు ఏర్పడేందుకు ఆస్కారం ఉంటుంది.
