ఇంటర్నెట్ లేకుండానే మొబైల్‌లో లైవ్ టెలికాస్ట్ టీవీ ప్రసారాలు
భవిష్యత్‌లో టీవీ చానెళ్లను మొబైల్ ఫోనులో ఎలాంటి ఇంటర్నెట్ సౌకర్యం లేకుండానే వీక్షించే సదుపాయం అందుబాటులోకి రానుంది. అయితే, ఈ టెక్నాలజీని ప్రైవేట్ టెలికాం కంపెనీలు తీవ్రంగా వ్యతిరేకించే అవకాశం లేకపోలేదు. ప్రస్తుతం డీటీహెచ్, కేబుల్స్ రూపంలో టీవీ ప్రసారాలు వీక్షిస్తున్నాం. ఇపుడు ఈ అవసరం లేకుండానే నేరుగా డైరెక్ట్ టూ మొబైల్ (డీటీఎం) సేవలు అందించేందుకు టెలికాం శాఖ, కేంద్ర సమచార, ప్రసార శాఖ, కాన్పూర్ ఐఐటీలు పని చేస్తున్నాయి. ఈ వివరాలను అధికార వర్గాలు వెల్లడించాయి.
అయితే, ఈ టెక్నాలజీని ప్రైవేట్ టెలికాం కంపెనీలు వ్యక్తిరేకించే అవకాశం లేకపోలేదు. ఈ విధానం అమల్లోకివస్తే కంపెనీల డేటా ఆదాయం తగ్గిపోయే ఆస్కారం ఉంది. టెలికాం కంపెనీలు ఇపుడు వాయిస్ కాల్స్ కంటే డేటా రూపంలోనే అధిక ఆదాయాన్ని అర్జిస్తున్నాయి. దీంతో ఈ విధానానికి ఈ కంపెనీలు అంగీకరించకపోవచ్చని నిపుణుల అభిప్రాయంగా ఉంది. కాగా, ప్రస్తుతం 21 నుంచి 22 కోట్ల కుటుంబాలకో టీవీలు ఉన్నాయి. అదే మొబైల్ ఫోన్ విషయానికి వస్తే 80 కోట్ల మంది వద్ద మొబైల్స్ ఉన్నాయి. ఈ సంఖ్య వచ్చే 2026 నాటికి 100 కోట్లకు చేరుకోవచ్చని భావిస్తున్నాయి.
