స్టాలిన్‌కే సీఎం పదవి.. కమల్ హాసన్ Vs రజనీకాంత్.. లయోలా సర్వే
తమిళనాడులో మాజీ ముఖ్యమంత్రి జయలలిత మృతికి అనంతరం అనేక పరిణామాలు చోటుచేసుకుంటున్నాయి. రాజకీయపరంగా రోజుకో మార్పు జరుగుతోంది. అన్నాడీఎంకేలో వర్గాలు, విలీనం జరిగినా అమ్మ సర్కారు సంక్షేమ కార్యక్రమాలు మందకొ
తమిళనాడులో మాజీ ముఖ్యమంత్రి జయలలిత మృతికి అనంతరం అనేక పరిణామాలు చోటుచేసుకుంటున్నాయి. రాజకీయపరంగా రోజుకో మార్పు జరుగుతోంది. అన్నాడీఎంకేలో వర్గాలు, విలీనం జరిగినా అమ్మ సర్కారు సంక్షేమ కార్యక్రమాలు మందకొడిగా సాగుతున్నాయి. ఇలా తమిళ రాజకీయాల్లో స్థిరత్వం కరువు కావడంతో కొత్త రాజకీయ నేత నాయకుడిగా ఎప్పుడొస్తాడా అని ప్రజలు ఆత్రుతతో ఎదురుచూస్తున్నారు.
అంతేగాకుండా తమిళనాడు లీడర్స్ డీఎంకే చీఫ్ కరుణానిధి, దివంగత సీఎం జయలలిత లాంటి సమర్థవంతమైన నేతలు ఎవరొస్తారా? అని వేచి వున్నారు. ఈ నేపథ్యంలో ఇటీవల సినీ నటులు కమల్ హాసన్, రజనీకాంత్ రాజకీయాల్లోకి ఎంట్రీ కానున్నారని వార్తలొచ్చాయి.
ఇలాంటి పరిస్థితుల్లో సూపర్ స్టార్ రజనీకాంత్ కంటే కమల్ హాసన్ రాజకీయాల్లో మెరుగ్గా రాణించే అవకాశాలున్నట్లు చెన్నైలోని ప్రసిద్ధ లయోలా కళాశాల మాజీ విద్యార్థులు నిర్వహించిన సర్వేలో వెల్లడైంది. కొత్త పార్టీ ప్రారంభించడం ద్వారా రజనీకాంత్ రాజకీయాల్లో రాణిస్తారని 13 శాతం మంది మద్దతు తెలపగా, కమల్ హాసన్ రాజకీయ పార్టీని స్థాపిస్తే ధీటుగా రాణిస్తారని 29 శాతం మంది ఓటేశారు.
అయితే సీఎంగా కొనసాగేందుకు డీఎంకే నేత స్టాలిన్‌కే అత్యధికంగా 41 శాతం ఓట్లు లభించాయి. స్టాలిన్ తర్వాతి స్థానంలో రజనీకాంత్, 13 శాతం ఓట్లతో కమల్ హాసన్ మూడో స్థానానికి పడిపోయారు. ఇక ఓపీఎస్‌కు కేవలం సీఎంగా ఉండేందుకు కేవలం ఒక్కశాతం ఓట్లే లభించాయి.
అయితే 58.8 శాతం మంది తమిళనాడులో గవర్నర్ పాలన వైపు మొగ్గుచూపారు. సర్కారును రద్దు చేసి గవర్నర్ పాలన విధించడం ద్వారా 2019 ఎన్నికల్లో గెలిచే పార్టీకి పట్టం కట్టవచ్చునని అభిప్రాయపడ్డారు.
