పెళ్లికాకుండా ప్రెగ్నెంట్.... ఆన్‌లైన్ వీడియో చూస్తూ ప్రసవించేందుకు యత్నం... చివరికి?
ఆన్‌లైన్ వీడియోను చూసి బిడ్డకు జన్మనిచ్చేందుకు ప్రయత్నించిన ఓ పెళ్ళికాని మహిళ.. దారుణంగా మృతి చెందింది. వివరాల్లోకి వెళితే.. ఉత్తరప్రదేశ్‌కు చెందిన 25 ఏళ్ల యువతి, గోరఖ్‌పూర్‌లో నివసిస్తోంది. ఆమె ఓ ప్రభుత్వ పరీక్షకు చదువుకుంటోంది. అయితే ఆదివారం ఆ మహిళ నివసిస్తున్న ఇంటి నుంచి రక్తస్రావం కనిపించడంతో షాకైన స్థానికులు వెంటనే పోలీసులకు సమాచారం ఇచ్చారు.
వెంటనే అక్కడికి చేరుకున్న పోలీసులు.. ఆమె గదిని తెరిచి చూసి షాకయ్యారు. ఆ సమయంలో ఆ యువతి శిశువుకు జన్మనిచ్చి.. రక్తపు మడుగులో పడి వుంది. అప్పటికే ఆ యువతి ప్రాణాలు కోల్పోయింది. ఇంకా ఆ యువతి సెల్ ఫోన్‌లో ఆన్‌లైన్ ద్వారా ప్రసవం చేయించుకోవడం ఎలా అనే వీడియో ప్లే అవుతూ వున్నది. దీంతో షాకైన పోలీసులు ఆమె మృతదేహాన్ని పోస్టు మార్టంకు తరలించారు. ఈ ఘటన స్థానికంగా కలకలం రేపింది.
