అలా మరకలు వేయొద్దంటున్న హీరోయిన్
రెజీనా. కొన్నిరోజుల తరువాత తెలుగు సినీపరిశ్రమలో తళుక్కున మెరిసిన హీరోయిన్. గ్యాప్ లేకుండా ఎంత స్పీడ్‌గా సినిమాలు చేసిందో అంతే స్పీడుగా తెరపైన కనబడకుండా ప్రస్తుతం ఉంటోంది. అవకాశాలు వెతుక్కుంటూ వచ్చినా చివరకు అవేవీ విజయం సాధించలేకపోవడం రెజీనాకు మైనస్‌గా మారింది. దీంతో ఆమె ప్రస్తుతం సినిమాలు లేక తెగ ఇబ్బందులు పడుతోంది.
అయితే తాజాగా రెజీనా ఒక వ్యక్తితో పీకల్లోతు ప్రేమలో డేటింగ్ చేస్తూ బిజీబిజీగా జీవితాన్ని తెగ ఎంజాయ్ చేసేస్తోందన్న ప్రచారం బాగానే సాగుతోంది. దీనిపై క్లారిటీ ఇచ్చింది రెజీనా. తాను ఎవరిని ప్రేమించలేదని, ఎవరితోను ప్రేమలో అసలు పడలేదని తెలిపారు. డేటింగ్‌లో ఉన్నట్లు వస్తున్న వార్తల్లో ఏమాత్రం నిజం లేదని రెజీ స్పష్టం చేశారు.
తను సహ నటుల్లో ఒకరైన వ్యక్తితో డేటింగ్‌లో ఉన్నానని గత కొన్నిరోజులుగా జరుగుతున్న ప్రచారం మొత్తం ఆధారం లేకుండా కొంతమంది మాట్లాడుతున్నదేనన్నారు రెజీనా. తన జీవితంలో ప్రస్తుతం ఎవరి మీద ప్రేమ లేదని వృత్తిని మాత్రమే ప్రేమిస్తున్నానని చెబుతోంది. తన జీవితంపై మరకలు వేసే ప్రయత్నం చేస్తున్నారని.. అలాంటి వారు దయచేసి మానుకోవాలని ప్రాధేయపడుతోంది.
